ملک بھر میں سونے کی قیمت میں بڑی کمی ریکارڈ

Anum Nasir

شیئر کریں

کراچی میں سونے کی قیمتوں میں کمی

کراچی: پاکستان میں سونے کی قیمتوں نے تاریخی بلندیاں چھونے کے بعد آج کمی دکھائی۔

آل پاکستان جیمز اینڈ جیولرز ایسوسی ایشن کے مطابق،

ملک میں فی تولہ سونے کی قیمت 900 روپے کی کمی کے ساتھ 2 لاکھ 98 ہزار 700 روپے ہوگئی ہے۔

اسی طرح، 10 گرام سونے کی قیمت بھی 772 روپے کی کمی کے بعد

2 لاکھ 56 ہزار 87 روپے کی سطح پر پہنچ گئی۔

عالمی مارکیٹ میں بھی سونے کی قیمتوں میں کمی دیکھنے کو ملی ہے،

جہاں 9 ڈالر کی کمی کے ساتھ سونے کی قیمت 2859 ڈالر فی اونس ہوگئی۔

گزشتہ کاروباری روز کے دوران سونے کی فی تولہ قیمت 1900 روپے کے اضافے کے بعد

2 لاکھ 94 ہزار 300 روپے کی بلند ترین سطح پر پہنچ گئی تھی۔

اسی طرح 10 گرام سونے کی قیمت بھی 1629 روپے اضافے سے 2 لاکھ 52 ہزار 314 روپے تک پہنچ گئی تھی۔

یاد رہے کہ سونا خریدنا روایتی طور پر ایک محفوظ سرمایہ کاری تصور ہوتا ہے،

خاص طور پر جب افراط زر، سیاسی اور معاشی عدم استحکام کا سامنا ہوتا ہے۔

یہ صدیوں سے کرنسی اور دولت کے طور پر استعمال ہوتا آیا ہے۔

جب سرمایہ کار دوسرے اثاثوں کے بارے میں غیر یقینی

محسوس کرتے ہیں تو وہ اکثر سونے کی خریداری کی طرف مائل ہوتے ہیں۔