بھارت کی مختلف ریاستوں میں ایک پراسرار بیماری کے کیسز سامنے آ رہے ہیں، جس نے مقامی اور بین الاقوامی ماہرین صحت کو حیرت میں ڈال دیا ہے۔
پراسرار بیماری کے کیسز بھارت میں
بھارت کی مختلف ریاستوں میں ایک پراسرار بیماری کے کیسز سامنے آ رہے ہیں، جس نے مقامی اور بین الاقوامی ماہرین صحت کو حیرت میں ڈال دیا ہے۔
اس بیماری کی سب سے نمایاں علامت سر کے بالوں کا غیر معمولی اور تیزی سے گرنا ہے، جس کی وجہ سے لوگ محض چند دنوں میں گنجے ہو رہے ہیں۔
یہ پراسرار بیماری بھارت کے مختلف شہروں اور دیہاتوں میں رپورٹ ہوئی ہے۔
لیکن ابتدائی اطلاعات کے مطابق یہ زیادہ تر ریاست بہار، اتر پردیش، اور مدھیہ پردیش کے دیہی علاقوں میں دیکھنے کو ملی ہے۔
ان علاقوں میں پانی اور ہوا کی آلودگی کا مسئلہ پہلے سے ہی شدید ہے، جو اس بیماری کے ممکنہ پھیلاؤ کی ایک اہم وجہ ہو سکتی ہے۔
کچھ متاثرین پٹنہ، وارانسی، اور بھوپال جیسے بڑے شہروں سے بھی سامنے آئے ہیں، جہاں شہریوں نے بالوں کے تیزی سے جھڑنے کی شکایت کی ہے۔
ماہرین کی تحقیقات
ماہرین نے ان علاقوں میں ماحولیاتی اور جینیاتی عوامل پر تحقیقات شروع کر دی ہیں تاکہ یہ معلوم کیا جا سکے کہ بیماری کا تعلق مخصوص جغرافیائی حالات یا آلودگی کے ذرائع سے ہے یا نہیں۔
ماہرین کے مطابق، یہ صورتحال تیزی سے بڑھ رہی ہے اور اب تک درجنوں لوگ اس کا شکار ہو چکے ہیں۔
متاثرین میں مرد، خواتین، اور بچے سب شامل ہیں۔
بیماری اور اسکی علامات
اس بیماری کے ابتدائی علامات میں کھوپڑی پر خارش، بالوں کا پتلا ہونا، اور اچانک گچھوں کی شکل میں بالوں کا گرنا شامل ہیں۔
اب تک اس پراسرار بیماری کی وجہ معلوم نہیں ہو سکی۔
تاہم، ماہرین کا کہنا ہے کہ یہ ممکنہ طور پر پانی میں زہریلے مواد کی موجودگی، آلودگی، یا کسی نئے قسم کے فنگس یا بیکٹیریا کا نتیجہ ہو سکتی ہے۔
کچھ ماہرین کی جانب سے جینیاتی یا ماحولیاتی عوامل پر بھی تحقیقات کی جا رہی ہیں۔
بھارتی سرکار کا ہنگامی ردعمل
بھارتی حکومت نے فوری طور پر تحقیقات کا حکم دیا ہے اور مقامی صحت کے اداروں کو ہدایت کی ہے کہ وہ متاثرہ علاقوں سے پانی اور خوراک کے نمونے جمع کریں۔
شہریوں کو احتیاط برتنے پانی کے فلٹرز استعمال کرنے، کھانے کی صفائی کا خیال رکھنے، اور جلدی طبی مدد لینے کی ہدایت دی گئی ہے۔
اور کسی بھی غیر معمولی علامت کی صورت میں فوری طبی معائنہ کروانے کی ہدایت کی گئی ہے۔
عوام میں خوف و ہراس اور ماہرین کی رائے
اس بیماری کے تیزی سے پھیلنے کے باعث عوام میں خوف و ہراس کی لہر دوڑ گئی ہے۔
لوگ اپنے بالوں کے گرنے سے بچنے کے لیے دیسی ٹوٹکوں اور مہنگے علاج کا سہارا لے رہے ہیں۔
سوشل میڈیا پر بھی اس معاملے پر شدید بحث ہو رہی ہے، اور مختلف افواہیں گردش کر رہی ہیں۔
ماہرین صحت نے لوگوں کو خبردار کیا ہے کہ وہ کسی بھی غیر تصدیق شدہ علاج سے گریز کریں اور صرف مستند معالج سے رجوع کریں۔
اس بیماری کی اصل وجہ معلوم ہونے تک احتیاطی تدابیر اختیار کرنا ضروری ہے۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔