پاکستانی کاروباری برادری کا حکومت سے
ہڑتال اور احتجاج کی دھمکی:
ٹیکس قوانین میں ترمیم کا مطالبہ:
اسلام آباد میں پاکستان کی اہم تجارتی تنظیموں نے حکومت سے مطالبہ کیا ہے کہ وہ فوری طور پر ایسے
نئے ٹیکس قوانین کو معطل کرے جن کے تحت ٹیکس دہندگان کو دھوکہ دہی کے الزامات پر گرفتار کیا جا سکتا ہے
اور 2 لاکھ روپے سے زائد نقد لین دین پر جرمانہ عائد کیا جاتا ہے۔
اگر یہ مطالبات پورے نہ کیے گئے تو 19 جولائی سے ملک بھر میں ہڑتال اور احتجاج کی کال دی گئی ہے۔
یہ مطالبات فیڈریشن آف پاکستان چیمبرز آف کامرس اینڈ انڈسٹری (FPCCI) نے وزیر مملکت برائے خزانہ
بلال اظہر کیانی اور فیڈرل بورڈ آف ریونیو کے دیگر ارکان کی موجودگی میں پیش کیے،
تاہم وفاقی وزیر خزانہ محمد اورنگزیب اجلاس میں شریک نہیں تھے۔
ایف پی سی سی آئی کے صدر عاطف اکرام شیخ نے کہا کہ ایف بی آر کو حاصل وہ تمام اختیارات
جن کے ذریعے فراڈ کے الزامات پر گرفتاری ممکن ہے، انہیں فوری طور پر معطل کیا جائے۔
انہوں نے مزید کہا کہ 2 لاکھ روپے سے زائد نقد رقم کی لین دین کو آمدن میں شامل کیا جاتا ہے،
فیکٹریوں میں ایف بی آر کے اہلکار تعینات کیے جا سکتے ہیں،
ان پٹ ایڈجسٹمنٹ کا اختیار اور الیکٹرانک انوائسز کو زبردستی نافذ کیا جا رہا ہے۔
بلال اظہر کیانی نے زور دیا کہ حکومت چاہتی ہے کہ قانون کا غلط استعمال نہ ہو،
مگر ان اختیارات کو معطل کرنے کے لیے قانون میں ترمیم پارلیمنٹ کے ذریعے ہی ممکن ہے۔
انہوں نے یہ بھی کہا کہ بجٹ سے متعلق وضاحتوں پر مشتمل میمورنڈم منگل کو جاری کیا جائے گا تاکہ خدشات کو دور کیا جا سکے۔
تجارتی رہنماؤں نے خبردار کیا کہ اگر ان مطالبات کو تسلیم نہ کیا گیا تو 19 جولائی سے ملک گیر ہڑتال ہوگی۔
ایف بی آر کے رکن حمید عتیق سرور نے وضاحت دی کہ نئے اختیارات صرف جعلی سیلز ٹیکس انوائسز کے
ذریعے فراڈ میں ملوث افراد کے خلاف استعمال ہوں گے، اور یہ اقدام ٹیکس سال 2025 کی ریٹرنز پر لاگو ہوگا۔
دوسری جانب، رئیل اسٹیٹ، گھی اور دیگر صنعتوں کے نمائندوں نے بھی ایف بی آر کے اقدامات پر
تحفظات کا اظہار کیا اور کہا کہ یہ اقدامات کاروباری سرگرمیوں کو مفلوج کر رہے ہیں۔
تجارتی رہنماؤں نے بتایا کہ تقریباً 1 کروڑ 25 لاکھ تاجر ان کے ساتھ ہیں،
اور مطالبات نہ مانے گئے تو ملک بھر میں ہڑتال کی جائے گی۔