پیٹرولیم مصنوعات کی قیمتوں میں کمی کا اعلان

ملک میں ایندھن کی قیمتوں میں کمی کا اعلان

وزارت خزانہ کی جانب سے پیٹرولیم مصنوعات کی قیمتوں میں تبدیلی کا نوٹیفکیشن جاری کر دیا گیا ہے۔

نئی قیمتوں کا اطلاق آج رات 12 بجے سے ہوگا۔

پیٹرولیم مصنوعات کی نئی قیمتیں

نوٹیفکیشن کے مطابق پیٹرول کی قیمت میں 1 روپیہ فی لیٹر کمی کی گئی ہے،

جس کے بعد پیٹرول کی نئی قیمت 256 روپے 13 پیسے فی لیٹر ہوگئی ہے۔

ہائی اسپیڈ ڈیزل کی قیمت میں 4 روپے فی لیٹر، لائٹ ڈیزل آئل کی قیمت میں 5 روپے 25 پیسے اور

مٹی کے تیل کی قیمت میں 3 روپے 20 پیسے فی لیٹر کمی کی گئی ہے۔

ہائی اسپیڈ ڈیزل کی نئی قیمت 263 روپے 95 پیسے،
لائٹ ڈیزل آئل کی نئی قیمت 155 روپے 81 پیسے

اور مٹی کے تیل کی نئی قیمت 171 روپے 65 پیسے فی لیٹر ہوگئی ہے۔

پیٹرولیم مصنوعات میں گزشتہ تبدیلی

31 جنوری کو پیٹرولیم مصنوعات کی قیمتوں میں اضافہ کیا گیا تھا،

جس کے تحت پیٹرول کی قیمت میں 1 روپیہ اور ڈیزل کی فی لیٹر قیمت میں 7 روپے کا اضافہ کیا گیا تھا۔

اس اضافے کے بعد پیٹرول کی فی لیٹر قیمت 257 روپے 13 پیسے جبکہ ڈیزل کی قیمت 267 روپے 95 پیسے ہوگئی تھی۔

تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔