چیمپئنز ٹرافی: بھارت نے بنگلہ دیش کو 6 وکٹوں سے شکست دے دی

Anum Nasir

شیئر کریں

آئی سی سی چیمپئنز ٹرافی 2025: بھارت کی شاندار فتح:

آئی سی سی چیمپئنز ٹرافی 2025 کے دوسرے میچ میں بھارت نے بنگلہ دیش کو 6 وکٹوں سے شکست دے دی۔

یہ میچ دبئی کے میدان پر کھیلا گیا جہاں بنگلہ دیش کی کارکردگی مایوس کن رہی۔

بنگلہ دیش نے ٹاس جیت کر پہلے بیٹنگ کرنے کا فیصلہ کیا۔ تاہم، ان کا آغاز انتہائی خراب رہا، اور 35 رنز پر آدھی ٹیم واپس پویلین لوٹ گئی۔

توحید ہردوئی کی شاندار سنچری اور ذاکر علی کی نصف سنچری کی بدولت بنگلہ دیش نے 228 رنز بنائے۔

بھارت نے 46.3 اوورز میں 4 وکٹوں کے نقصان پر ہدف حاصل کرلیا۔

کپتان روہت شرما اور شبمن گل نے 69 رنز کی شاندار اوپننگ شراکت قائم کی۔

روہت شرما 41 رنز بنا کر آؤٹ ہوئے، جبکہ ویرات کوہلی بھی 22 رنز کے بعد چلتے بنے۔

وکٹ کیپر بلے باز کے ایل راہل نے شبمن گل کا ساتھ دیا، جس نے 101 رنز کی شاندار اننگز کھیلی۔

کے ایل راہل نے 41 رنز بنائے اور آخر تک کریز پر رہے۔

بنگلہ دیش کے لیے رشاد حسین نے 2 وکٹیں حاصل کیں، جبکہ تسکین احمد اور مستفیض الرحمٰن نے ایک ایک وکٹ لی۔

بنگلہ دیش کے اوپنر سومیا سرکار، نجم الحسن شانتو، اور مہدی حسن میراز نے جلدی وکٹیں کھوئیں۔

ان کی ابتدائی ناکامیوں کے بعد توحید ہردوئی اور ذاکر علی نے مل کر 154 رنز کی شراکت قائم کی۔

ذاکر علی نے 68 رنز بنائے، جبکہ توحید ہردوئی نے اپنی سنچری مکمل کی اور 100 رنز پر آؤٹ ہوگئے۔

بھارتی بولنگ میں محمد شامی نے شاندار کارکردگی کا مظاہرہ کرتے ہوئے 5 وکٹیں حاصل کیں۔

ہرشت رانا نے 3 اور اکشر پٹیل نے 2 وکٹیں لیں۔

بنگلہ دیش کے کپتان نجم الحسن نے کہا کہ وکٹ اچھی لگ رہی تھی اور ہم نے بڑا اسکور بنانے کی کوشش کی تھی۔

بھارتی کپتان روہت شرما نے بیان دیا کہ فلڈ لائٹس میں کھیلنا آسان ہوتا ہے اور وہ میدان میں بہترین کارکردگی کی کوشش کریں گے۔

اس میچ کے ساتھ بھارت نے چیمپئنز ٹرافی کا سفر شروع کیا ہے اور ان کی کارکردگی نے ان کے عزم کو مزید تقویت بخشی ہے۔