پاکستان اسٹاک مارکیٹ میں مندی، کے ایس ای 100 انڈیکس میں 350 سے زیادہ پوائنٹس کی کمی:

پیر کے روز پاکستان اسٹاک ایکسچینج میں مندی کا رجحان غالب رہا،

جس کے نتیجے میں بینچ مارک کے کے ایس ای 100 انڈیکس میں 350 سے زائد پوائنٹس کی کمی دیکھی گئی۔

شروع میں مارکیٹ مثبت رجحان کے ساتھ کھلی،

اور ٹریڈنگ کے دوران ایک موقع پر کے ایس ای 100 انڈیکس 139,201.15 پوائنٹس تک بھی جاپہنچا۔

مجموعی طور پر کاروباری دن کے اختتام پر انڈیکس 379.78 پوائنٹس یا 0.27 فیصد کمی کے ساتھ

138,217.58 پوائنٹس پر بند ہوا۔ اہم شعبوں میں سرمایہ کاری میں اضافہ دیکھا گیا، جن میں

آٹوموبائل اسمبلی
کمرشل بینکنگ
تیل و گیس کی تلاش کرنے والی کمپنیاں
آئل مارکیٹنگ کمپنیز (او ایم سیز)
اور فرٹیلائزر شامل ہیں۔

اس دوران
ایفرٹ
ایم سی بی
میزان بینک
نیشنل بینک
پی پی ایل
اور پی او ایل مثبت زون میں دیکھے گئے۔

یاد رہے کہ پچھلے ہفتے اسٹاک مارکیٹ نے ایک تاریخی سطح پر اختتام کیا تھا،

جس کی بنیادی وجہ سرمایہ کاروں کا بڑھتا ہوا اعتماد،

مضبوط معاشی اشاریے اور کمپنیوں کی بہتر منافع کی توقعات تھیں۔

ہفتہ وار رپورٹ کے مطابق

کے ایس ای 100 انڈیکس 3.2 فیصد یا 4,297 پوائنٹس کے تاریخی اضافے کے ساتھ 138,597

پوائنٹس کی بلند ترین سطح پر پہنچا، جو اسٹاک مارکیٹ کی تاریخ کا سب سے بڑا ہفتہ وار اضافہ ہے۔

تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔