مشہور امریکی جج فرینک کیپریو کا انتقال: انسان دوستی اور انصاف کی علامت!
دنیا بھر میں اپنی انسان دوست اور رحم دل عدالتی فیصلوں کے لیے پہچانے جانے والے امریکی جج
‘فرینک کیپریو’ طویل مدت تک لبلبے کے کینسر سے لڑنے کے بعد 88 برس کی عمر میں دنیا سے رخصت ہوگئے ہیں۔
امریکی میڈیا کے مطابق،
وہ اپنی آخری لمحات اپنے خاندان کے درمیان پر سکون انداز میں گزار کر اس دنیا سے کوچ کر گئے۔
جج کیپریو اپنی عدالتی خدمات، ہمدردی اور انسانیت پر یقین کے سبب امریکہ سمیت دنیا بھر میں مقبول تھے۔
ان کے فیصلے قانون کے ساتھ ساتھ احساس اور انصاف کی اعلیٰ مثال تھے۔
سوشل میڈیا پر ان کے فیصلوں کی ویڈیوز لاکھوں بار دیکھی گئیں،
اور ان کی شخصیت نے عالمی سطح پر لوگوں کے دل جیت لیے۔ وہ عدالت میں انسان کے حالات اور جذبات
کو مدنظر رکھتے ہوئے ایسا عدالتی نظام قائم کرتے تھے جو صرف قانونی ہی نہیں بلکہ اخلاقی بھی ہوتا تھا۔
فرینک کیپریو کو نہ صرف ایک بہترین جج بلکہ ایک ہمدرد شوہر
محبت کرنے والے والد
دادا
پردادا اور دوست کے طور پر یاد کیا جائے گا۔
ان کی زندگی اور کام نے لاکھوں لوگوں کو درگزر، ہمدردی اور نرمی کے اقدار اپنانے کی ترغیب دی۔
ان کی وفات پر دنیا بھر سے لوگوں سے اپیل کی جا رہی ہے کہ وہ ان کے نقش قدم پر چلتے ہوئے اپنے
معاشرے میں محبت، نرمی اور ہمدردی کو فروغ دیں، جیسا کہ وہ اپنی زندگی کے ہر لمحے میں کرتے رہے۔