گوگل فوٹوز میں نئی سہولت: بول کر اور لکھ کر تصاویر ایڈیٹ کرنے کا آسان طریقہ!
گوگل نے اپنی معروف ایپ، گوگل فوٹوز میں ایک جدید فیچر شامل کرنے کا اعلان کیا ہے،
جس کے ذریعے صارفین اب صرف آواز یا تحریر کے ذریعے اپنی تصاویر میں مختلف تبدیلیاں لا سکتے ہیں۔
اس نئے فیچر کے تحت، صارف صرف ایک جملہ کہہ کر یا لکھ کر تصویر میں ترمیم کر سکتا ہے۔
مثلاً، اگر کوئی کہے کہ "پس منظر سے گاڑیاں ہٹا دو” یا "تصویر کو بہتر بنا دو”، تو گوگل فوٹوز خود بخود مطلوبہ تبدیلی عمل میں لائے گا۔
اگر صارف کو یہ بھی معلوم نہ ہو کہ کیا کہنا ہے، تو صرف یہ لکھ دیں "بہتر بنا دو”، اور ایپ تصویر کو
خودکار طور پر خوبصورت بنا دے گی۔
یہ فیچر روشنی کی سطح درست کرنے،
غیر ضروری اجزاء نکالنے، پس منظر بدلنے اور
یہاں تک کہ نئی اشیاء شامل کرنے جیسی سہولیات فراہم کرتا ہے۔
مثلاً، آپ تصویر میں دھوپ کے چشمے یا پارٹی ہیٹ بھی شامل کر سکتے ہیں۔
یہ جدید فیچر سب سے پہلے امریکہ میں پکسل 10 فونز پر دستیاب ہوگا۔ اس کے علاوہ،
گوگل نے اعلان کیا ہے کہ پکسل 10 میں سی 2 پی اے کونٹینٹ کریڈینشلز کا اضافہ بھی کیا گیا ہے،
جس سے صارفین کو یہ معلوم ہوگا کہ تصویر میں کسی جگہ مصنوعی ذہانت کا استعمال ہوا ہے یا نہیں۔
یہ سہولت جلد ہی دیگر اینڈرائیڈ اور آئی فونز کے صارفین کے لیے بھی دستیاب ہو جائے گی،
اور چند ہفتوں میں یہ عمومی طور پر استعمال کے لیے متعارف کرا دی جائے گی۔