18 سال کے نوجوانوں کی لازمی شادی کرانے کا بل سندھ اسمبلی میں جمع

کراچی: گزشتہ روز رکن صوبائی اسمبلی عبد الرشید نے 18 سال کے نوجوانوں کی شادی نہ کروانے پر والدین پر جرمانہ عائد کرنے کی سفارش سے متعلق بل سندھ اسمبلی میں جمع کروایا گیا تھا۔

تفصیلات کے مطابق سندھ اسمبلی میں جمع کرائی گئی سفارش کے مطابق والدین پر لازم ہوگا کے وہ 18 سال کے نوجوانوں بچوں کی شادی کروایں گے جبکہ نوجوان بچوں کی شادی نہ کروانے والے والدین پر 50 ہزار روپے جرمانہ عائد کرنے کی سفارش کی گئی۔

جماعت اسلامی کے رکن سندھ اسمبلی سید عبد الرشید نے مسودہ قانون اسمبلی سیکریٹریٹ میں جمع کرایا۔ بل 2 صفحات پر مشتمل ہے جسے سندھ لازمی شادی ایکٹ 2021 کا نام دیا گیا ہے، بل میں نوجوانوں کی شادی نہ کروانے والے والدین پر 50000 روپے جرمانہ عائد کرنے کی سفارش کی گئی ہے۔

مسودہ قانون میں کہا گیا ہے کہ سندھ حکومت یقینی بنائے کہ والدین اپنے عاقل بچوں کی لازمی شادی کرائیں، اگر والدین تاخیر کرتے ہیں تو ڈپٹی کمشنر کو تحریری طور پر آگاہ کرنا ہوگا۔ ایم پی اے ایم ایم اے سید عبد الرشید کا کہنا ہے کہ معاشرے کی فلاح کیلئے قانون تجویز کیا ہے۔

رکن سندھ اسمبلی و امیر جماعت اسلامی جنوبی کراچی سید عبد الرشید نے 18 سال کی عمر کے بعد شادی نہ کرنے پر والدین جواب دہ ہونگے قانون سازی کے لیے اسمبلی میں بل جمع کروادیا۔

بل کے حوالے سے سید عبد الرشید کا کہنا ہے کہ معاشرے میں بڑھتی بے راہ روی کو روکنے کا واحد حل عین اسلامی قوانین کے مطابق شادی کا ہو جانا ہے، والدین اپنے بچوں کی وقت پر شادی کو یقینی بنائیں،18 سال کے بعد بچوں کی شادی میں تاخیر نہ کی جائے،حکومت اس حوالے سے والدین کے ساتھ تعاون کرے۔

جماعت اسلامی کے رکن صوبائی اسمبلی سید عبد الرشید کا کہنا ہے کہ معاشرے کی فلاح کے لئے قانون تجویز کیا ہے۔

https://m.facebook.com/syedabdulrasheedpakistan/videos/925613211565177/

سید عبد الرشید کا کہنا ہے کہ نوجوانوں سے درخواست کرتا ہوں نکاح کو آسان بنائیں جہیز کی لعنت سے بچیں،حکومت شادی میں ہونے والی غیر رسمی تمام سرگرمیوں پر پابندی لگائے۔

حکومت شادی کے لئے ضابطہ اخلاق طے کردے، بیٹے اور بیٹی دونوں کی شادی کو والدین پر بوجھ بنا دیا گیا ہے جو کہ افسوسناک ہے۔

رکن سندھ اسمبلی سید عبد الرشید کی جانب سے جمع کروائے گئے بل پر ردعمل کا اظہار کرتے ہوئے پیپلز پارٹی کی رہنما بختاور بھٹو نے ٹویٹ میں سندھ اسمبلی سے اس بل کو منظور کرنے پر زور دیا گیا ہے۔