مشہور بھارتی اداکارہ شیفالی جریوالا کا دل کا دورہ پڑنے سے انتقال:
بھارتی معروف ماڈل اور اداکارہ شیفالی جریوالا 42 سال کی عمر میں دل کے دورے کے باعث زندگی کی بازی ہار گئیں۔
انڈیا ٹوڈے کی رپورٹ کے مطابق،
اداکارہ کو اچانک طبیعت خراب ہونے پر اسپتال منتقل کیا گیا جہاں ڈاکٹرز نے ان کی موت کی تصدیق کی۔
یہ واقعہ ممبئی میں ان کی رہائش گاہ پر پیش آیا۔ ابتدائی معلومات کے مطابق،
شیفالی کی وفات کی وجہ دل کا دورہ ہے!
تاہم ان کے اہل خانہ کی جانب سے حتمی وجہ کی تصدیق اب تک نہیں کی گئی ہے۔
شیفالی نے اپنے فنی سفر کا آغاز مشہور گانے ’کانٹا لگا‘ سے کیا،
جس کے بعد انہوں نے بولی وڈ میں متعدد فلموں اور ٹی وی شوز میں اپنی شناخت بنائی۔
وہ ’مجھ سے شادی کروگی‘ جیسی فلموں میں بھی جلوہ گر ہو چکی ہیں اور ریئلٹی شو ’بگ باس 13‘ کا حصہ رہ چکی ہیں۔
ان کی وفات سے بھارتی شوبز انڈسٹری اور ان کے مداح غمگین ہیں۔ سوشل میڈیا پر اہلِ خانہ،
فلمی دوست اور مداح افسوس اور دعاؤں کے پیغامات کے ساتھ انہیں خراجِ عقیدت پیش کر رہے ہیں۔
شیفالی کی آخری رسومات گزشتہ روز ادا کی گئیں، جن میں کئی معروف شخصیات نے شرکت کی،
جن میں بگ باس سے شہرت پانے والی اداکارہ شہناز گل بھی شامل تھیں۔
شیفالی اپنے شوہر، اداکار پراگ تیاگی کے ساتھ خوشگوار ازدواجی زندگی گزار رہی تھیں۔
وفات سے چند دن قبل وہ سوشل میڈیا پر فعال نظر آئیں اور اپنی تصاویر شیئر کی تھیں۔