اسلام آباد: ذرائع نے بتایا ہے کہ عالمی بینک نے پاکستان کیلئے 20 ارب ڈالرز دینے کا وعدہ کیا ہے
19 ڈائریکٹرز نے پاکستان کے حق میں ووٹ دیا۔
ذرائع کے مطابق
ورلڈ بینک نے پاکستان کے لئے 10 سالہ کنٹری پارٹنر شپ فریم ورک کے تحت 20 ارب ڈالرز فراہم کرنے کا وعدہ کیا ہے۔
اس فریم ورک کی منظوری کے لئے 24 میں سے 19 ڈائریکٹرز نے پاکستان کے حق میں ووٹ دیا۔
عالمی بینک کی جانب سے ملنے والے اس 20 ارب ڈالرز میں سے تقریباً 75 فیصد رقم آئی ڈی اے کے ذریعے فراہم کی جائے گی
جبکہ باقی رقم انٹرنیشنل بینک فار ری کنسٹرکشن اینڈ ڈویلپمنٹ کے تحت مہیا کی جائے گی۔
یہ توسیعی فریم ورک 6 اہم ترقیاتی شعبوں پر مرکوز ہوگا
اور انٹرنیشنل فنانس کارپوریشن کی طرف سے اضافی فنڈنگ اس سی پی ایف کی تکمیل میں مددگار ثابت ہوگی۔
سی پی ایف کا مقصد چائلڈ اسٹننگ میں کمی لانا،
موسمیاتی تبدیلی سے نمٹنا، صاف پانی کی فراہمی
اور عوامی وسائل کے ساتھ ساتھ پرائیویٹ سرمایہ کاری کو بڑھانا ہے۔
اس کے دیگر اہداف میں ٹیکس ریونیو کو جی ڈی پی کے 15 فیصد سے بڑھانا شامل ہے۔
مزید برآں، منصوبے میں قابل تجدید توانائی کی صلاحیت میں 10 گیگا واٹ کا اضافہ
12 ملین طلبا کو معیاری تعلیم، اور 50 ملین افراد کو صحت کی سہولیات فراہم کرنا شامل ہے۔
سی پی ایف سہولیات
سی پی ایف میں 60 ملین افراد کو صاف پانی اور صفائی کی سہولیات فراہم کرنے کا عمل بھی شامل ہے
جبکہ 30 ملین افراد کے لئے غذائی تحفظ کو مستحکم کرنے کے اقدامات بھی شامل ہیں۔
اس کے ساتھ ہی، 30 ملین خواتین تک مانع حمل کی رسائی کو بڑھانے کے اہداف بھی طے کئے گئے ہیں۔
اس کے علاوہ، سیلاب اور دیگر قدرتی آفات کا سامنا کرنے کیلئے اہداف بھی مقرر کئے گئے ہیں
جس سے 75 ملین افراد کو فائدہ ہوگا۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔
