مہنگائی کی شرح میں اضافہ:
مہنگائی کی حالیہ ہفتہ وار شرح 3 فیصد سے تجاوز کر گئی ہے۔
ایک ہفتے کے دوران 11 اشیاء کی قیمتوں میں کمی، 19 میں اضافہ اور 21 کی قیمتوں میں استحکام دیکھا گیا۔
رمضان سے قبل قیمتیں بڑھنے لگیں:
ایک معتبر قومی اخبار کی اطلاعات کے مطابق رمضان المبارک کے آغاز سے قبل مختلف اشیاء مثلاً
گوشت
آلو
پیاز
چینی
چکن اور
ٹماٹر
کی قیمتوں میں اضافہ جاری ہے۔
ادارہ شماریات کی رپورٹ:
ادارہ شماریات کی جاری کردہ ہفتہ وار رپورٹ کے مطابق، ملک میں ضروری اشیاء کی قیمتوں میں ہفتہ وار بنیاد پر
0.38 فیصد جبکہ سالانہ بنیاد پر 0.32 فیصد کا اضافہ ہوا ہے۔ 27 فروری کو ختم ہونے والے ہفتے میں صارفین کے لیے قیمتوں کا
حساس اشاریہ 320.32 پوائنٹس ریکارڈ کیا گیا، جو پچھلے ہفتے میں 310.12 پوائنٹس تھا۔
مختلف اشیاء کی قیمتوں میں تبدیلی:
رپورٹ کے مطابق، لپٹن چائے کی قیمت میں 6.62 فیصد،
بریڈ 1.67 فیصد
دال ماش 1.12 فیصد
سرسوں کا تیل 1.08 فیصد اور
لہسن کی قیمت میں 1 فیصد اضافہ ہوا۔
دوسری جانب،
ایل پی جی میں 0.37 فیصد
ایک کلو بناسپتی گھی میں 0.32 فیصد
دال چنا میں 0.21 فیصد اور
اڑھائی کلو بناسپتی گھی میں 0.11 فیصد
کی کمی ریکارڈ کی گئی۔
سبزیوں اور پھلوں کی قیمتوں میں اضافہ:
سبزیوں اور پھلوں کی قیمتوں میں بھی نمایاں اضافہ دیکھا گیا۔
ٹماٹر کی قیمت میں 11.49 فیصد
کیلے میں 8.32 فیصد
انڈوں میں 5.43 فیصد
چکن میں 4.13 فیصد
آلو میں 2.79 فیصد اور
پیاز میں 2.04 فیصد اضافہ ہوا۔
علاوہ ازیں
بیف کی قیمت میں 1.68 فیصد
چینی میں 1.55 فیصد اور
سگریٹ میں 0.51 فیصد کا اضافہ ہوا۔
حساس اشاریہ کی تشکیل کا طریقہ:
یہ بات قابل ذکر ہے کہ قیمتوں کے حساس اشاریہ کا تعین پاکستان کے 17 بڑے شہروں کی
50 مارکیٹوں میں 51 ضروری اشیاء کی قیمتوں میں کمی و بیشی کی بنیاد پر کیا جاتا ہے۔
