پاکستان کرکٹ بورڈ (پی سی بی) اہم اعلان:

ایچ بی ایل پی ایس ایل 10 کے باقی میچز کے ٹکٹوں کی تفصیلات:

میچز 17 سے 25 مئی تک راولپنڈی اور لاہور میں ہوں گے پشاور زلمی اور کراچی کنگز کے میچز کے ٹکٹوں کا استعمال نئے شیڈول کے مطابق ہوگا.

پی ایس ایل 10 میچز کی درج ذیل مکمل معلومات:

ٹکٹوں کا استعمال اور نئے شیڈول:

پاکستان کرکٹ بورڈ نے بتایا ہے کہ
8 مئی کو پشاور زلمی بمقابلہ کراچی کنگز،
9 مئی کو پشاور زلمی بمقابلہ لاہور قلندرز،
اور 10 مئی کو اسلام آباد یونائیٹڈ بمقابلہ کراچی کنگز کے لیے جن شائقین نے پہلے سے ٹکٹ خرید رکھے ہیں،

وہ اب انہیں 17، 18 اور 19 مئی کے میچز کے لیے استعمال کر سکتے ہیں۔

ڈبل ہیڈر کا خاص انتظام:

18 مئی کو راولپنڈی کرکٹ اسٹیڈیم میں دو میچوں کا دن ہے،

جس کی وجہ سے 9 مئی کا ٹکٹ دونوں میچز دیکھنے کے لیے قابلِ استعمال ہوگا۔

ایلیمینیٹر اور فائنل ٹکٹوں کا بھی استعمال:

جن شائقین نے ایلیمینیٹر 1، ایلیمینیٹر 2 اور فائنل کے ٹکٹ حاصل کیے تھے،

وہ انہیں نئی تاریخوں کے مطابق استعمال کر سکیں گے۔

ٹکٹوں کی خریداری اور واپسی کا عمل:

تمام باقی لیگ اور پلے آف میچز کے ٹکٹیں آن لائن پورٹل سے دستیاب ہیں۔

فزیکل ٹکٹیں مخصوص ٹی سی ایس ایکسپریس سینٹرز سے حاصل کی جا سکتی ہیں۔

واپسی کا عمل اور رقم:

ملتان میں 5 اور 10 مئی کو ہونے والے میچز، اور پہلے سے شیڈول کوالیفائر کے ٹکٹوں کی مکمل رقم واپس لی جا سکتی ہے۔

رقم واپس لینے کا طریقہ کار:

آن لائن اور کارپوریٹ ٹکٹیں اپنے اصل اکاؤنٹس میں واپس منتقل کی جائیں گی۔ فزیکل ٹکٹوں کی رقم کی واپسی کے لیے،

شائقین کو ٹی سی ایس کے مخصوص ایکسپریس سینٹرز پر جا کر رقم واپس لینا ہوگی۔

رقم کی واپسی کی تاریخ بعد میں اعلان کی جائے گی۔

مزید معلومات اور ٹکٹ کی خریداری کے لیے،

شائقین پی سی بی کی آفیشل ویب سائٹ یا ٹی سی ایس کے ذریعے رابطہ کر سکتے ہیں۔

تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔