عالمی سطح پر سونے کی قیمت میں اضافہ، پاکستان میں بھی تاریخی بلندیاں!
عالمی مارکیٹ میں سونے کی قیمتوں میں مسلسل اضافہ جاری ہے،
جس کے اثرات پاکستان میں بھی دیکھنے میں آ رہے ہیں۔ حالیہ دنوں میں سونے کے عالمی نرخ میں 60 ڈالر
کا اضافہ ہوا ہے، جس کے بعد یہ قیمت 3540 ڈالر فی اونس تک پہنچ گئی ہے۔
بین الاقوامی مارکیٹ میں سونے کی قیمت میں اضافے کے نتیجے میں پاکستان میں بھی مقامی سطح پر
سونے کے نرخوں میں زبردست اضافہ دیکھنے میں آیا ہے۔ اس کے نتیجے میں فی تولہ سونے کی قیمت
پہلی بار 3 لاکھ 76 ہزار 700 روپے تک جا پہنچی ہے، جو کہ 6000 روپے کے بڑے اضافے کے ساتھ نئی بلند ترین سطح ہے۔
اسی طرح دس گرام سونے کی قیمت میں بھی 5144 روپے کا اضافہ ہوا ہے اور اب یہ 3 لاکھ 22 ہزار 959
روپے پر ہے۔ یاد رہے کہ منگل کے روز سونے کی قیمت فی تولہ 3 لاکھ 70 ہزار 700 روپے تک پہنچ چکی تھی۔
اس کے علاوہ،
چاندی کی قیمت میں بھی 12 روپے کا اضافہ ہوا ہے اور اب یہ فی تولہ 4315 روپے کی سطح پر ہے۔
مزید پڑھیے:
حبکو گرین کی کراچی، لاہور اور اسلام آباد میں ای وی چارجنگ نیٹ ورک میں توسیع
چین کا اقتصادی ترقی کے شعبوں میں پاکستان سے تعاون جاری رکھنے کا اعلان
