آئی ایم ایف سے ایک ارب ڈالر کی قسط کے حصول کی اہم پیش رفت:
آئی ایم ایف کے سات ارب ڈالر کے بیل آؤٹ پیکیج کے تحت پاکستان کو
ایک ارب ڈالر کی اگلی قسط ملنے کے حوالے سے ایک اہم پیشرفت ہو رہی ہے۔
اس ضمن میں آئی ایم ایف کا جائزہ مشن کل اسلام آباد پہنچنے والا ہے۔
ذرائع کے مطابق، وفد کے اقتصادی جائزہ مذاکرات 15 مارچ تک جاری رہیں گے۔
آئی ایم ایف اور پاکستانی حکام کے درمیان ابتدائی مرحلے میں تکنیکی بات چیت ہو گی،
جبکہ دوسرے مرحلے میں پالیسی سطح پر مذاکرات ہوں گے۔
عالمی مالیاتی ادارے کا 9 رکنی وفد نیتھن پورٹر کی قیادت میں دو ہفتے کے لیے پاکستان میں رہے گا۔
بات چیت کے دوران، وفد آئندہ مالی سال کے بجٹ کے حوالے سے تجاویز بھی فراہم کرے گا،
جس کے نتیجے میں تنخواہ دار طبقے کو ممکنہ طور پر کچھ ریلیف مل سکتا ہے۔
وفد کے مختلف وزارتوں، بشمول وزارت خزانہ، توانائی، منصوبہ بندی، اور اسٹیٹ بینک کے ساتھ مذاکرات بھی طے ہیں۔
‘ایس ای سی پی’ نے مضاربہ آرڈیننس میں ترامیم کی منظوری دے دی
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔
