ادارہ شماریات کی جانب سے مہنگائی کے اعدادوشمار کا اعلان:
ادارہ شماریات نے حالیہ ہفتے کی مہنگائی کے اعدادوشمار جاری کر دیئے ہیں،
جس کے مطابق گزشتہ ہفتے کے دوران مہنگائی میں 0.09 فیصد کی معمولی کمی دیکھنے میں آئی،
جبکہ سالانہ مہنگائی کی شرح منفی 0.87 فیصد ریکارڈ کی گئی۔
ضروریاتِ زندگی کی قیمتوں میں اتار چڑھاؤ:
رپورٹ کے مطابق، ایک ہفتے کے دوران 20 بنیادی اشیاء کی قیمتوں میں کمی آئی، جبکہ 13 اشیاء کی قیمتوں میں اضافہ ہوا۔
کیلے 10 فیصد،
چینی 3.15 فیصد،
اور انڈے 2.52 فیصد مہنگے ہو گئے ہیں۔
اس کے علاوہ!
مٹن،
بیف،
گڑ،
گندم کا آٹا،
چاول اور ایل پی جی بھی مہنگی ہو گئی۔
گزشتہ ہفتے کپڑے اور سگریٹس کی قیمتوں میں بھی اضافہ ریکارڈ کیا گیا۔
سستی ہونے والی اشیاء:
دوسری جانب!
پیاز کی قیمت میں 5.59 فیصد،
چائے میں 4.47 فیصد،
لہسن میں 3.89 فیصد،
ٹماٹر میں 3.60 فیصد،
دال چنا میں 3.49 فیصد
اور ماش میں 2.82 فیصد کی کمی دیکھنے میں آئی۔
ایندھن اور دالوں کی قیمتوں میں کمی:
اس کے علاوہ!
آلو کی قیمت میں 2.60 فیصد،
دال مسور میں 1.50 فیصد،
ڈیزل کی قیمت میں 2 فیصد
اور پیٹرول کے نرخوں میں 0.24 فیصد تک کمی آئی ہے۔
مزید تفصیلات:
ادارہ شماریات کی رپورٹ کے مطابق،
گزشتہ ہفتے کیلے کی قیمت 18 روپے فی درجن بڑھ گئی ،چینی کی قیمت میں مزید 5 روپے کا اضافہ ہوا،
جس کے نتیجے میں اوسط قیمت،
162 روپے 64 پیسے فی کلو تک پہنچ گئی ،ایک ہفتے میں ایل پی جی کا گھریلو سلنڈر 83 روپے 25 پیسے تک مہنگا ہوا۔
اسی طرح
انڈے فی درجن 7 روپے 23 پیسے،
مٹن 6 روپے 56 پیسے،
اور بیف 50 پیسے تک مہنگا ہوا۔
ایک ہفتے میں پیاز کی قیمت 4 روپے 95 پیسے اور ٹماٹر کی قیمت 2 روپے تک سستی ہوئی۔
