نویں آگاہی ایوارڈز 2021 میں نوائے وقت کے رپورٹر سید شعیب شارہ م نے ایوارڈ جیت لیا
اسلام آباد میں منعقدہ تقریب میں بہترین کارکردگی کا مظاہرہ کرنے والے 70 صحافیوں کو ایوارڈز دیئے گئے
اسلام آباد: آگاہی فاؤنڈیشن اور مشعل کی جانب سے نویں آگاہی ایوارڈز 2021 کی تقریب کا انعقاد اسلام آباد میں پاکستان نیشنل کونسل آف آرٹس میں کیا گیا۔
ملک بھر سے 3 ہزار سے زائد نامور صحافیوں نے مختلف کیٹیگریز میں نومینیشن جمع کروائے جس میں میڈیا کی اخلاقیات اور پیشہ ورانہ کار کردگی کے اعزاز ملک بھر سے 70 صحافیوں کو پرنٹ، ٹیلی ویژن، ریڈیو اور آن لائن کے متعلقہ شعبوں میں اعلی کارکردگی کا مظاہرہ کرنے پر ایوارڈز دئیے گئے۔
آگاہی ایوارڈز کی تقریب مشترکہ طور پر ‘آگاہی’ اور مشعل کے علاوہ جرنلسٹس ایسوسی ایشنز، تعلیمی اداروں کے ‘تھنک ٹینکس اور نجی شعبوں کے اداروں کے تعاون سے منعقد کی گئی۔
جس میں ملک بھر میں صحافیوں کی جرات، لگن اور صحافت میں نمایاں کردار کو تسلیم کیا جاتا ہے۔ سال بہ سال، ان انعامات کو حاصل کرنے والوں نے سیاسی اور معاشی دباؤ کے سامنے اور میڈیا پر عوام کے اعتماد کو بحال رکھتے ہوئے شاندار کام سر انجام دیئے جن کا ملک بھر میں لوگوں کی زندگیوں پر اثر ڈالا۔
آگاہی ایوارڈ کے انفراسٹرکچر کیٹیگری میں نوائے وقت گروپ کے کراچی کے وابستہ سینئر صحافی سید شعیب شاہ رم کو گرین لائن منصوبے سے متعلق بہترین تحقیقاتی تحریر پر انہیں ‘جرنلسٹ آف دی ایئر’ کا ایوارڈ دیا گیا۔
آگاہی ایوارڈز 2021 کی انفراسٹرکچر کیٹیگری میں جرنلسٹ آف دی ایئر کا ایوارڈ آگاہی اور مشعال فاؤنڈیشن کی شریک بانی پیوش چوہدری نے پیش کیا۔
ایوارڈ حاصل کرنے کے بعد اپنے خیالات کا اظہار کرتے ہوئے سید شعیب شاہ رم نے کہا کہ صحافتی حلقوں میں اس طرح کے ایوارڈز کی تقاریب کا انعقاد نامسائب حالات کے باوجود اپنے پیشہ ورارنہ فرائض انجام دینے والے عامل صحافیوں کے لیے باعث مسرت ہے۔ شعیب شاہ رم نے مزید کہا کہ اپنے ایوارڈ کو صحافی برادری کے نام کرتا ہوں۔
