پاکستان اور چین کی میری ٹائم پالیسیوں میں تعاون کا عزم:
اسلام آباد: پاکستان اور چین کے درمیان میری ٹائم پالیسیوں میں رابطہ اور تعاون کو مزید مضبوط بنانے پر اتفاق ہوا ہے۔
دونوں ممالک نے بحری شعبے کی دو طرفہ اور کثیرالجہتی تعاون کو گہرا کرنے کی پختہ عزم کا اظہار کیا ہے۔
مذاکرات کا پانچواں دور:
یہ باتیں بیجنگ میں میری ٹائم تعاون کے حوالے سے پاکستان اور چین کے مذاکرات کے پانچویں دور کے دوران سامنے آئیں،
جس کی مشترکہ صدارت پاکستان کی وزارت خارجہ کے ایڈیشنل سیکریٹری (ایشیا پیسیفک) عمران احمد صدیقی اور
چین کی وزارت خارجہ کے ڈپارٹمنٹ آف باؤنڈری اینڈ اوشن افیئرز کے ڈائریکٹر جنرل ہونگ لیانگ نے کی۔
موضوعات پر تفصیلی گفتگو:
اعلامیے میں کہا گیا ہے کہ دونوں فریقین نے اپنی تعاون کی پیشرفت پر اطمینان کا اظہار کیا
اور میری ٹائم سیکیورٹی، میرین اکانومی، میرین سائنس اینڈ ٹیکنالوجی اور
سمندری ماحولیات جیسے متعدد اہم موضوعات پر تفصیلی گفتگو کی گئی۔
اسٹریٹجک تعاون کا اہم جزو:
انہوں نے اس بات پر زور دیا کہ اعلیٰ سطح کا بحری تعاون،
پاکستان اور چین کی اسٹریٹجک تعاون شراکت داری کا ایک بنیادی جزو ہے۔
دونوں ممالک نے مشترکہ مستقبل کی تعمیر کے لئے بحری برادری کے ساتھ مل کر کام کرنے کا عزم ظاہر کیا۔
آئندہ مذاکرات کا منصوبہ:
پاکستان اور چین نے سمندری مسائل پر رابطے کو برقرار رکھنے، سمندری پالیسیوں میں ہم آہنگی اور
تعاون کو مزید مستحکم کرنے اور بحری شعبے میں دو طرفہ اور کثیرالجہتی کوششوں کو بڑھانے پر بھی
اتفاق کیا ہے۔
دفتر خارجہ کی جانب سے جاری بیان میں بتایا گیا کہ دونوں فریق نے آئندہ سال مناسب وقت پر پاکستان
میں میری ٹائم تعاون کے سلسلے میں مذاکرات کے چھٹے دور کو منعقد کرنے پر بھی رضامندی ظاہر کی۔
