کے الیکٹرک ٹیم نے گارڈن میں انسانی جان بچا کر خدمات کی اعلیٰ مثال قائم کردی
کراچی: کے الیکٹرک نے کراچی کے علاقے گارڈن اور شیریں جناح کالونی میں ہونے والے دو واقعات میں خدمات کی آعلیٰ مثال قائم کردی۔
گارڈن کے علاقے نصرت روڈ نالے والی گلی میں آتشزدگی کے اطلاع موصول ہونے پر کے الیکٹرک نے بلا تاخیر بجلی عارضی طور پر بند کردی اور فوری طور پر اپنی اسمارٹ ٹیم آتشزدگی کے مقام پر روانہ کردیں۔
کے ای کی ٹیم پہنچی تو معلوم ہوا کہ دکان (جنرل اسٹور) میں آگ لگی ہوئی تھی اور دوکان ملازم شہریار نامی شخص کھڑکی سے لٹکا ہوا مدد کا منتظر تھا۔ کے الیکٹرک کے عملے کے متحرک اہلکار نے بروقت کاروائی کرتے ہوئے سیڑھی کی مدد سے بحفاظت ریسکیو کرلیا۔
ایک اور آگ لگنے کے واقعہ شیریں جناح کالونی میں پیش آیا جہاں کے الیکٹرک کی ٹیمز نے فوری طور پر بجلی کی سپلائی کو معطل کیا اور فائر بریگیڈ عملے کے پہنچنے سے قبل خدمات کے دائرے سے بڑھ کر کارروائی کرتے ہوئے آگ بجھادی۔
انسانی ہمدردی کے تحت دونوں واقعات میں کے الیکٹرک کی ٹیموں کے ذمہ دارانہ کردار ادا کرتے ہوئے انسانی جان بچانے کے ساتھ ساتھ املاک محفوظ بنانے میں اپنا مثبت کردار ادا کیا
