کراچی: قومی ایئرلائن کی جانب شمالی علاقہ جات میں سفر کرنے والے مسافروں کے لیے ڈسکاؤنٹ متعارف کروادیا جس کے تحت اسلام آباد تا سکردو اور اسلام آباد تا گلگت خصوصی پرواز کا کرایہ کم از کم 6 ہزار 915 روپے مقرر کردیا گیا ہے۔
ترجمان پی آئی اے عبداللہ حفیظ کے مطابق ملک کے دیگر علاقوں کے لیے متعارف کرائے گئے ڈسکاؤنٹ کے بعد شمالی علاقوں کے افراد کا دیرینہ مطالبہ پورا ہوگیا ہے۔
جبکہ کرایوں میں ڈسکاؤنٹ فراہم کرنے کے بعد امید ہے شمالی علاقوں کے مہمانوں کو خوشی مہیا ہوگی جبکہ ملک بھر کے شہری بھی صاف موسم میں دنیا کی بلند ترین چوٹیوں اور سرد سیاحتی مقامات کا نظارہ کرسکیں گے۔
تاہم پی آئی اے کے سی ای او ایئر مارشل ارشد ملک نے خصوصی ہدایات جاری کی ہیں کہ تمام پروازوں پر مسافروں کو بہترین خدمات فراہم کی جائیں۔
