کراچی: تیرہویں سالانہ سی ایس آر ایوارڈ کی تقریب میں گورنر پنجاب چوہدری محمد سرور نے چائنا پاور حب جنریشن کمپنی کو بلوچستان کے علاقوں حب اور لسبیلہ میں شاندار سماجی اور ترقیاتی خدمات فراہم کرنے پرسراہا۔
تقریب کے مہمانِ خصوصی گورنر پنجاب چوہدری محمد سرورتھے جبکہ تقریب میں وزیرِاعظم پاکستان کی معاونِ خصوصی ڈاکٹر ثانیہ نشتر کے علاوہ حکومتی اور نجی شعبے سے تعلق رکھنے والے افراد نے بھی شرکت کی۔
کمپنی سے جاری اعلامیئے کے مطابق کمپنی کو کرونا کے دوران سی ایس آر ایکسیلینس ایوارڈ، تعلیم اور وظائف فراہم کرنے میں ایکسیلینس ایوارڈ،کمیونٹی ڈیویلپمنٹ اینڈ سروسز میں ایکسیلینس ایوارڈاور سسٹینیبلٹی نیشی ایٹیوایکسیلینس ایوارڈسمیت چار مختلف زمروں میں ایوارڈ سے نوازا گیا۔
اس موقع پر سی پی ایچ جی سے کے سی ای او رین لی ہوئی نے بلوچستان کی مقامی کمیونٹی کی فلاح و بہبود اور سماجی ترقی کیلئے کمپنی کے عزم کا اعادہ کرتے ہوئے کہا کہ کمپنی اپنے تجارتی آپریشنز کے آغاز سے قبل ہی علاقے کے کم مراعات یافتہ طبقے کو مدد فراہم کر تی رہی ہے۔
کرونا کی وبا کی دوران ہم نے اپنے پلانٹ کے ارد گرد کے علاقوں میں لوگوں کی بہتری کیلئے بلوچستان حکومت کو مدد فراہم کرتے رہے ہیں۔
کمپنی سے جاری کئے گئے اعلامیئے میں مزید کہا گیا کہ اپنے سی ایس آر اقدامات کے ذریعے سی پی ایچ جی سی بلوچستان میں مختلف سی ایس آر منصوبوں پر اب تک 131ملین سے زائد رقم خرچ چکی ہے جو بلوچستان کی مقامی آبادی کے معیارِ زندگی اور تعلیم کے نظام کو بہتر بنانے کیساتھ کیساتھ ان کیلئے ایک امید افزاء مستبقل بنانے میں مدد فراہم کررہے ہیں۔
ان منصوبوں میں الانا گوٹھ میں فلوٹنگ جیٹی کی تعمیر، گڈانی میں سی پی ایچ جی سی، ٹی سی ایف اسکول کی تعمیر، کلین حب سٹی پروگرام، مقامی طلبہ کی تربیت اور پلانٹ میں روزگار کے مواقع، ضلع لسبیلہ میں سیلاب سے متاثرہ افراد میں امدادی سامان کی فراہمی، پیر کوس کے دیہات میں ضروری راشن کی تقسیم اور کرونا کے دوران مقامی لوگوں اور بلوچستان کی حکومت کو عطیات کی فراہمی جیسے منصوبے شامل ہیں
