سعودی عرب اور متحدہ عرب امارات میں عید الفطر کی تاریخ کا اعلان:

سعودی عرب اور متحدہ عرب امارات میں شوال کا چاند نظر آنے کی تصدیق ہونے کے بعد دونوں ممالک میں عید الفطر اتوار کے روز منائی جائے گی۔

العربیہ نیوز کے مطابق، قطر نے بھی عید الفطر کا پہلا دن اتوار کو قرار دیا ہے۔

دوسری جانب، پاکستان میں عید الفطر کے حوالے سے (سپارکو) نے پیش گوئی کی ہے

کہ عید الفطر 31 مارچ 2025 بروز پیر کو منائی جا سکتی ہے۔ تحقیقی مرکز نے بتایا ہے کہ یہ پیش گوئ

’’سائنسی جائزوں، فلکیاتی حسابات، اور جدید مشاہداتی اعداد و شمار کی بنیاد پر‘‘ کی گئی ہے۔

ان سائنسی اعداد و شمار کے مطابق،

پاکستان میں 30 مارچ 2025 کو شوال کا چاند نظر آنے کے امکانات بہت زیادہ ہیں،

جس سے رمضان المبارک کے 29 دن مکمل ہونے کی توقع ہے اور عید الفطر 31 مارچ کو منائی جانے کا امکان ہے۔

یاد رہے کہ عید الفطر کے تہوار کا تعین کرنے کی ذمہ داری رویت ہلال کمیٹی پر ہے۔

یہ کمیٹی ملک بھر سے شواہد جمع کر کے شوال 1446 ہجری کے آغاز کا باقاعدہ اعلان کرے گی۔

اگرچہ سائنسی اعداد و شمار 30 مارچ کو چاند نظر آنے کی تصدیق کرتے ہیں،

مگر حتمی فیصلہ عینی شاہدین کے بیانات اور مقامی موسمی حالات پر بھی منحصر ہوگا۔

تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔