آئی سی سی چیمپئینز ٹرافی کے سلسلے میں نیشنل اسٹیڈیم کراچی میں کا تعمیراتی کام 100 فیصد مکمل ہوگیا، 31 جنوری تک فنشنگ کا عمل بھی مکمل ہو جائے گا۔
اسٹیڈیم پروجیکٹ منیجر میڈیا بریفنگ
پروجیکٹ منیجر بلال چوہان نے میڈیا بریفنگ کے دوران کہا کہ
نیشنل اسٹیڈیم میں قائم کردہ نئی زیر تعمیر عمارت میں فنشنگ کا عمل جاری ہے
گراؤنڈ فلور پر آئی سی سی کے اینٹی کرپشن اور اینٹی ڈوپنگ کے علاوہ میچ آفیشلز کے کمرے تیار کر لیے گئے ہیں۔
پہلی منزل پر دونوں ڈریسنگ روم اپنی تیاری کی آخری منزل پر ہیں،
تیسرے اور چوتھے فلور پر جدید سہولیات سے اراستہ 24 ہاسپٹلیی باکسز بھی مکمل ہونے کے قریب ہیں،
تاہم چوتھی منزل پر چیئرمین باکسز اور ایڈمن بلاک کی تیاری کا کام کا عمل جاری ہے۔
عمارت میں جدید طرز کی لفٹ
عمارت میں جدید طرز کی دو لفٹ نصب کر دی گئی ہیں، بیرونی لفٹ اگلے چند روز میں لگ جائے گی،
نئی عمارت کے گراؤنڈ فلور پر وی وی آئی پی انکلوثرز میں کام مکمل ہونے کے قریب ہے، اہم شخصیات کیلئے گیلری بھی جلد تیار ہوجائے گی۔
اسی طرح ماجد خان اور ظہیر عباس کے نام سے منسوب وی وی آئی پی انکلوثرز میں بھی تعمیراتی کام جاری ہے،
ایل ای ڈی لائٹس کی بدھ کو بندرگاہ سے کلیئر ہو جانے کی توقع ہے۔
اسٹیڈیم میں تمام 6 ایل ای ڈی لائٹس کی تنصیب کا بنیادی کام مکمل ہوگیا ہے
لائٹس بھی اگلے چند روز میں نصب کر دی جائیں گی، اسٹیڈیم کیلئے دونوں ڈیجیٹل اسکرینز بھی دبئی پہنچ گئی ہیں.
ڈیجیٹل اسکرینز
امریکی ماہرین کی زیر نگرانی اگلے چند روز میں ڈیجیٹل اسکرینز کو بھی نصب کردیا جائے گا
80 بائی 30 فٹ کی بڑی اسکرین وسیم اکرم انکلوژر کے سامنے نصب کی جائے گی
جبکہ انتخاب عالم انکلوژر کے سامنے 20 بائی 30 فٹ کی ڈیجیٹل اسکرین نصب ہوگی.
اسٹیڈیم فرنیچر
اسٹیڈیم میں فرنیچر بھی بدھ تک اسٹیڈیم پہنچ جائے گا
میچز دیکھنے کیلئے اسٹیڈیم آنے والے تماشائیوں کی کار پارکنگ کے لیے موثر انتظامات کیے جارہے ہیں،
سندھ حکومت نے اسٹیڈیم کے سلسلے میں بلدیہ عظمی کراچی کو خصوصی تعاون کی ہدایت کی ہے۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔
