پاکستان اسٹاک مارکیٹ میں تاریخی تیزی:
کے ایس ای 100 انڈیکس پہلی بار 131,000 کی سطح عبور کرگیا:
پاکستان اسٹاک ایکسچینج (پی ایس ایکس) میں جمعرات کو بھی سرمایہ کاری کے رجحانات میں زبردست تیزی دیکھنے میں آئی،
جس کے نتیجے میں کاروبار کے آغاز ہی سے ہی کے ایس ای 100 انڈیکس نے اپنی بلند ترین سطح کو چھو لیا۔
اس دن کے دوران انڈیکس 131,325.10 پوائنٹس تک پہنچ گیا،
جو کہ ملکی تاریخ میں پہلی بار اس سطح کو عبور کرنے کا سنگ میل ہے۔
بازار کے اختتام پر، کے ایس ای 100 انڈیکس 130,686.65 پوائنٹس پر بند ہوا،
جو کہ 342.62 پوائنٹس یا 0.26 فیصد اضافہ ظاہر کرتا ہے۔ توانائی کے شعبے میں بھی سرمایہ کاروں کا
رجحان مضبوط رہا، جہاں
او جی ڈی سی
ماری
پی پی ایل
پی ایس او
اور وافی جیسی کمپنیوں کے اسٹاک مثبت زون میں نظر آئے۔
تجزیہ کاروں کے مطابق،
اس ریکارڈ توڑ ترقی کی بنیادی وجہ ادارہ جاتی سرمایہ کاروں کی جارحانہ خریداری،
بہتر منافع کی توقعات اور اقتصادی اشاریوں میں مثبت رجحانات ہیں۔
یاد رہے کہ بدھ کو بھی پاکستان اسٹاک ایکسچینج نے تاریخ رقم کی تھی،
جب کے ایس ای 100 انڈیکس پہلی بار 130,000 پوائنٹس کی نفسیاتی حد عبور کر گیا تھا۔
اس روز انڈیکس 2,144 پوائنٹس یا 1.67 فیصد کے اضافے کے ساتھ 130,344 پوائنٹس پر بند ہوا تھا۔
