پاکستان میں خواتین کے لیے سروائیکل کینسر سے بچاؤ کا اہم اقدام شروع!
پاکستان میں 15 سے 44 سال کی عمر کی لاکھوں خواتین کو درپیش سروائیکل کینسر کے خطرے سے
بچاؤ کے لیے خوشخبری ہے کہ ستمبر سے ہیومن پیپیلوما وائرس (ایچ پی وی) ویکسین کی فراہمی کا آغاز کیا جا رہا ہے۔
ڈان اخبار کے مطابق،
گیٹس فاؤنڈیشن کے ایک اعلیٰ عہدیدار نے بتایا کہ پاکستان میں اس ویکسین کی دستیابی جلد شروع کی جائے گی۔
فیکٹ شیٹ کے مطابق،
ملک میں تقریباً 7 کروڑ 38 لاکھ خواتین ایسے افراد ہیں جو اس مرض کے خطرے سے دوچار ہیں،
کیونکہ وہ 15 سال یا اس سے زیادہ عمر کی ہیں۔ سروائیکل کینسر پاکستان میں 15 سے 44 سال کی
خواتین میں سب سے زیادہ عام پایا جانے والا دوسرا سرطان ہے۔ ایچ پی وی ویکسین ایک ہی خوراک سے
خواتین کو زندگی بھر کے لیے اس مرض سے محفوظ بنا سکتی ہے۔
ڈاکٹر انیتا زیدی، جو گیٹس فاؤنڈیشن کی صنفی مساوات ڈویژن کی صدر ہیں، کے مطابق ابتدا میں
9 سے 11 سال کی لڑکیوں کو یہ ویکسین دی جائے گی،
اور بعد میں بڑی عمر کی خواتین کو بھی یہ ٹیکہ لگایا جا سکتا ہے۔
چونکہ پاکستان میں سروائیکل کینسر کی اسکریننگ محدود ہے، اس لیے اس سے بچاؤ ہی سب سے مؤثر حل ہے۔
اس اقدام کا اعلان گیٹس فاؤنڈیشن کی اس عالمی مہم کے تحت کیا گیا ہے، جس میں 2030 تک خواتین
کی صحت کو بہتر بنانے کے لیے 2 ارب 50 کروڑ ڈالر کی سرمایہ کاری کی جائے گی۔
اس منصوبے کے تحت پانچ اہم مگر اکثر نظر انداز کیے جانے والے شعبوں میں 40 نئی طبی ایجادات کو سپورٹ کیا جائے گا،
خاص طور پر ان مسائل پر توجہ دی جائے گی جو کم اور درمیانی آمدنی والے ممالک میں خواتین کو متاثر کرتے ہیں۔
