پاکستان اسٹاک مارکیٹ میں تیزی کا رجحان برقرار!

ایس ای 100 انڈیکس میں 600 سے زائد پوائنٹس کا اضافہ:

پاکستان اسٹاک ایکسچینج (پی ایس ایکس) میں جاری تیزی کا سلسلہ بدستور جاری ہے،

جہاں بدھ کو کاروبار کے آغاز پر ہی بینچ مارک کے ایس ای 100 انڈیکس میں 600 سے زیادہ پوائنٹس کا اضافہ دیکھا گیا۔

صبح 9 بج کر 40 منٹ پر، یہ انڈیکس 625.22 پوائنٹس یا 0.43 فیصد کے اضافے کے ساتھ

ایک لاکھ 47 ہزار 630 کی سطح پر پہنچ گیا۔ مارکیٹ کے اہم شعبوں جیسے
آٹوموبائل اسمبلرز
کمرشل بینک
کھاد ساز کمپنیز
آئل اینڈ گیس ایکسپلوریشن
آئل مارکیٹنگ
اور ریفائنریز میں سرمایہ کاری کے رجحان میں واضح اضافہ نظر آیا۔

بڑی مارکیٹ کیپیٹلائزیشن رکھنے والے شیئرز، مثلاً
اے آر ایل
او جی ڈی سی
پی او ایل
ایس این جی پی ایل
ایچ بی ایل
ایم سی بی
ایم ای بی ایل
اور این بی پی، مثبت زون میں ٹریڈ کرتے رہے۔

ماہرین کا کہنا ہے کہ ملک میں کارپوریٹ منافع میں استحکام اور توانائی سمیت اہم شعبوں میں امریکہ

سے سرمایہ کاری کی توقعات، مارکیٹ کے مثبت جذبات کو مضبوط کر رہی ہیں۔

گزشتہ منگل کو، پی ایس ایکس نے اتار چڑھاؤ کے باوجود ریکارڈ سطح پر روزانہ کا اختتام کیا،

جہاں سرمایہ کاروں نے حالیہ منافع لینے کے لیے کچھ حصص فروخت بھی کیے۔ اس روز بینچ مارک

کے ایس ای 100 انڈیکس 75.48 پوائنٹس یا 0.05 فیصد کے اضافے کے ساتھ 147,005.32 پوائنٹس پر بند ہوا۔

پی ایس ایکس میں استحکام، 100 انڈیکس 1,47,000 سے زائد پوائنٹس پر بند

تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔