انسداد دہشتگردی عدالت لاہور نے مسلم لیگ ن کا آفس جلانے کے مقدمے میں
پی ٹی آئی رہنماؤں سمیت 31 ملزمان پر فرد جرم عائد کر دی۔
انسداد دہشت گردی عدالت کی سماعت
لاہور میں مسلم لیگ ن کے دفتر کو نذر آتش کرنے کے معاملے کی سماعت
انسداد دہشت گردی عدالت کے جج ارشد جاوید نے کی۔
اس موقع پر
ڈاکٹر یاسمین راشد
محمود الرشید
عمر سرفراز چیمہ
اعجاز چوہدری
اور دیگر ملزمان کو جیل سے پیش کیا گیا جبکہ صنم جاوید عدالت میں حاضری دینے کے لیے آئی۔
عدالت نے ڈاکٹر یاسمین راشد، عمر سرفراز چیمہ، اعجاز چوہدری اور میاں محمود الرشید پر فرد جرم عائد کرتے ہوئے
دیگر ملزمان پر بھی یہی کارروائی کی۔
پی ٹی آئی کے رہنماؤں پر الزامات
پی ٹی آئی کے رہنماؤں سمیت تمام ملزمان نے اپنے خلاف لگائے گئے الزامات کی صحت سے انکار کیا۔
اس کیس کی سماعت 23 جنوری تک ملتوی کر دی گئی ہے
جبکہ لاہور میں مسلم لیگ ن کے دفتر کو جلانے کے معاملے کی مزید کارروائی کوٹ لکھپت جیل میں ہوگی۔
یہ بات بھی قابل ذکر ہے کہ ملزمان کے خلاف تھانہ گلبرگ اور تھانہ ماڈل ٹاؤن کی پولیس نے مقدمات درج کیے ہیں
جس میں پی ٹی آئی کے رہنماؤں پر بغاوت اور اپنے کارکنان کو جلاؤ گھیراؤ پر اکسانے کے الزامات عائد کیے گئے ہیں۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔
