پی ٹی آئی کے مرکزی رہنما عمر ایوب نے کہا ہے کہ جوڈیشل کمیشن بننے تک ہم مذاکرات کے چوتھے دور میں نہیں بیٹھیں گے۔
پی ٹی آئی مذاکراتی کمیٹی سربراہ عمر ایوب
پاکستان تحریک انصاف کی مذاکراتی کمیٹی کے سربراہ عمر ایوب نے واضح طور پر کہا
کہ چوتھے اجلاس میں شرکت جوڈیشل کمیشن کے قیام میں پیش رفت سے مشروط ہے۔
عمرایوب نے گفتگو میں کہا کہ حکومت بے شک اجلاس میں بیٹھ کر ڈگڈگی بجائے
ہمیں مذاکراتی اجلاس کی نئی تاریخ سے تاحال آگاہ نہیں کیا گیا۔
بیرسٹر گوہر کی عمر ایوب کی گفتگو کی تائید
چیئرمین پی ٹی آئی بیرسٹر گوہر نے عمر ایوب کی گفتگو کی تائید کردی ہے
بیرسٹرگوہر کا کہنا تھا کہ کمیشن نہیں بناتے تو مذاکرات کے چوتھے دور میں نہیں بیٹھیں گے۔
چیئرمین پی ٹی آئی نے کہا کہ بانی کے احکامات ہیں جوڈیشل کمیشن نہیں بنتا تو مذاکرات نہ کیے جائیں،
حکومت کہے کمیشن بنے گا تو ہی مذاکرات کے چوتھے دور میں شریک ہونگے۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔
