اگست میں مہنگائی کی رفتار سست، لیکن سیلاب کے باعث مستقبل میں اضافہ ممکن!
صارف قیمت اشاریہ میں سالانہ بنیاد پر 3.0 فیصد اضافہ:
رواں مالی سال اگست 2025 کے دوران صارف قیمت اشاریہ (CPI) میں سالانہ بنیاد پر 3.0 فیصد کا اضافہ ریکارڈ کیا گیا،
جو جولائی میں 4.1 فیصد تھا۔ تاہم، ماہرین نے متنبہ کیا ہے کہ ملک میں جاری سیلاب کی وجہ سے خوراک کی فراہمی متاثر ہو رہی ہے،
جس کے باعث مستقبل میں مہنگائی میں دوبارہ اضافہ ہو سکتا ہے۔
ماہانہ بنیاد پر مہنگائی میں کمی:
ادارہ شماریات کے مطابق،
اگست میں مہنگائی کی ماہانہ شرح 0.6 فیصد کم ہوئی، جبکہ جولائی میں 2.9 فیصد اضافہ دیکھا گیا تھا۔ گزشتہ سال اگست میں یہ شرح 0.4 فیصد تھی۔
شہری و دیہی علاقوں میں مہنگائی کی صورتِ حال:
شہری علاقوں میں کمی!
– سالانہ مہنگائی: 3.4 فیصد (پچھلے ماہ 4.4 فیصد، گزشتہ سال 11.7 فیصد)
– ماہانہ مہنگائی: 0.7 فیصد کمی (جولائی میں 3.4 فیصد اضافہ)
دیہی علاقوں میں بھی سست روی!
– سالانہ مہنگائی: 2.4 فیصد (پچھلے ماہ 3.5 فیصد، گزشتہ سال 6.7 فیصد)
– ماہانہ مہنگائی: 0.5 فیصد کمی (پچھلے ماہ 2.2 فیصد اضافہ)
حساس اشیاء کی قیمتوں میں نمایاں اضافہ:
اگست 2025 میں حساس اشیاء کی قیمتوں میں سالانہ بنیاد پر 2.6 فیصد اضافہ ہوا،
جو گزشتہ ماہ 0.9 فیصد کمی اور اگست 2024 میں 10.8 فیصد اضافے کے مقابلے میں کم ہے۔
ماہانہ بنیاد پر ان اشیاء میں 3.2 فیصد اضافہ ریکارڈ کیا گیا، جو پچھلے ماہ 3.1 فیصد تھا۔
نان فوڈ اور نان انرجی اشیاء میں مہنگائی:
شہری علاقوں میں!
– سالانہ اضافہ: 6.9 فیصد (پچھلے ماہ 7.0 فیصد، گزشتہ سال 10.2 فیصد)
– ماہانہ اضافہ: 0.3 فیصد (جولائی میں 0.8 فیصد)
دیہی علاقوں میں!
– سالانہ اضافہ: 7.8 فیصد (پچھلے ماہ 8.1 فیصد، گزشتہ سال 14.4 فیصد)
– ماہانہ اضافہ: 0.2 فیصد (جولائی میں 0.7 فیصد)
خوراک کی قیمتوں میں نمایاں اضافہ:
اگست 2026 میں مہنگی ہونے والی اشیاء!
– سبزیاں:
ٹماٹر 19.63٪
پیاز 14.38٪
انڈے: 12.84٪
مرغی: 4.16٪
مکھن و مچھلی:
بالترتیب 3.21٪ اور 1.46٪
دیگر اشیاء:
گڑ
چاول
مصالحہ جات
گوشت
پاؤڈر دودھ
تیار کھانے میں 0.26٪ تا 0.79٪ تک اضافہ
دالیں اور اجناس:
مونگ: 2.81٪
چنا (گرم): 2.16٪
چنا (پلس): 2.09٪
ماش: 1.40٪
مسور: 0.82٪
آٹا: 1.24٪
گندم مصنوعات: 1.31٪
بیسن: 0.49٪
نان فوڈ اشیاء کی قیمتوں میں تبدیلی:
زیادہ اضافہ:
اخبارات 11.93٪
اسپتال خدمات 1.71٪
تعلیم 1.61٪
صفائی و لانڈری 1.41٪
ڈاکٹر فیس 1.21٪
کمی:
مائع ہائیڈروکاربن 7.30٪
بجلی 6.87٪
موٹر فیول 1.51٪
ٹرانسپورٹ خدمات 0.71٪
ماہرین کی تنبیہ: مہنگائی کے تخمینے بڑھ سکتے ہیں:
ماہرین نے خبردار کیا ہے کہ چونکہ خوراک اور نان الکوحل مشروبات کا CPI میں 40 فیصد حصہ ہے،
اس لیے سیلاب سے پیدا ہونے والی فصلوں کی تباہی (خصوصاً سبزیاں، چاول اور مکئی) قیمتوں میں تیزی سے اضافے کا سبب بن سکتی ہے۔
شہروں میں سبزیوں کی قیمتیں 100 فیصد تک بڑھ گئیں:
رپورٹس کے مطابق کراچی، لاہور ،راولپنڈی اور اسلام آباد میں
ٹماٹر
پیاز
اور دیگر سبزیوں کی قیمتوں میں 25 سے 100 فیصد تک اضافہ ہو چکا ہے۔
اگرچہ اگست میں مہنگائی کی شرح 3.0 فیصد رہی، لیکن پنجاب میں جاری سیلاب کے اثرات اگلے چند ہفتوں میں خوراک کی قیمتوں پر شدید دباؤ ڈال سکتے ہیں۔
