کراچی: بینک لاکر سے 10 کروڑ روپے کا سامان غائب:
کراچی کے علاقے ڈیفنس میں ایک نجی بینک کے لاکر سے دس کروڑ روپے کا قیمتی سامان اچانک غائب ہوگیا ہے،
جس پر ایک مقامی تاجر نے درخشاں تھانے میں دھوکہ دہی کا مقدمہ درج کروایا ہے۔
مقدمہ کی تفصیلات:
رپورٹ کے مطابق، مقامی تاجر نے تھانے میں ایک رپورٹ درج کروائی ہے
جس میں بینک کے آپریشن مینیجر اور دیگر ملازمین کو نامزد کیا گیا ہے۔
لاکر کی تاریخ:
تاجر نے مقدمے میں درج کیا ہے کہ انہوں نے جولائی 2009 میں ایک بڑے سائز کا لاکر بک کیا تھا،
جہاں مختلف وقتوں میں 10 کروڑ روپے مالیت کے قیمتی سونے کے زیورات، ہیرے کے سیٹس، گھڑیاں اور غیر ملکی کرنسی رکھی جاتی تھی۔
واقعہ کی تفصیلات:
ایف آئی آر کے مطابق، 19 فروری 2025 کو جب تاجر کی اہلیہ نے لاکر کھولا تو
اندر لوہے کا ڈبہ غائب تھا، جس میں نقد رقم، زیورات اور گھڑیاں موجود تھیں۔
بینک کی جانب سے کارروائی:
درخواست گزار نے مزید بتایا کہ جب وہ بینک کے آپریشن مینیجر اور لاکر کی دیکھ بھال کرنے والے کو
اس بارے میں آگاہ کی تو وہ ڈبہ تلاش کرنے لگے، لیکن پتا چلا کہ خالی ڈبہ دیگر ڈبوں کے ساتھ موجود تھا۔
زیورات کی حالت:
ایف آئی آر میں یہ بھی ذکر ہے کہ زیورات کی خالی پاؤچز لاکر کے اوپر چھت کے اندر سے برآمد ہوئے،
اور دو دن بعد جب وہ دوبارہ بینک گئے تو عملے نے انہیں کچھ خالی جیولری باکس اور ایک گھڑی کا ڈبہ فراہم کیا۔
شبہے کی بنیاد:
درخواست گزار کا کہنا ہے کہ انہیں یقین ہے کہ برانچ مینیجر اور دیگر عملے نے ملکر سامان کی چوری کی ہے۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔
