ان ڈرائیو کا اسلام آباد یونائیٹڈ کے ساتھ شراکت داری کا اعلان:
عالمی شہرت یافتہ رائیڈ ہیلنگ پلیٹ فارم ان ڈرائیو نے پاکستان سپر لیگ 2025 کے لئے اسلام آباد یونائیٹڈ کا آفیشل اسپانسر بننے کا اعلان کیا ہے۔
یہ اشتراک پاکستان میں کھیلوں کے فروغ اور مقامی کمیونٹیز کی ترقی کے لیے ان کے عزم کی عکاسی کرتا ہے۔
کھیلوں کے فروغ اور مقامی کمیونٹیز کی حمایت:
ان ڈرائیو، جو دنیا کے تیزی سے ترقی کرنے والے پلیٹ فارمز میں شامل ہے، نہ صرف سفر کی سہولیات فراہم کرنے کا ارادہ رکھتا ہے
بلکہ سماجی بہتری اور مثبت تبدیلی کے مقاصد کی بھی حمایت کرتا ہے۔ اسلام آباد یونائیٹڈ کے ساتھ یہ اشتراک کھیلوں کی ترقی،
شائقین کے ساتھ تعلقات میں اضافہ، اور نوجوانوں کے لئے نئے مواقع فراہم کرنے پر مرکوز ہے۔
ان ڈرائیو کے کنٹری لیڈر کی رائے:
اس موقع پر ان ڈرائیو کے کنٹری لیڈ، محمد اویس سعید نے کہا کہ "کرکٹ پاکستان کی ثقافت کا ایک اہم حصہ ہے جو لاکھوں لوگوں کو متحد کرتا ہے۔
اسلام آباد یونائیٹڈ کی اسپانسرشپ اس بات کا ثبوت ہے کہ ہم مقامی ٹیلنٹ کی
حمایت کرتے ہیں اور نوجوان کھلاڑیوں کے لئے مواقع فراہم کرنا چاہتے ہیں۔”
مارکیٹنگ منیجر کا وعدہ:
ان ڈرائیو کے ساؤتھ ایشیا کے مارکیٹنگ منیجر، حسن زمان نے اس شراکت داری کو صرف اسپانسرشپ تک محدود نہیں سمجھتے
بلکہ مقامی کمیونٹیز کو کھیلوں کے ذریعے مضبوط کرنے کا ایک مشترکہ وعدہ قرار دیا ہے۔
انہوں نے کہا، "ہم نوجوانوں کے لئے مواقع پیدا کرنے، کھیلوں کے بنیادی ڈھانچے میں سرمایہ کاری کرنے،
اور یادگار تجربات فراہم کرنے کے ذریعہ پاکستان کے کھیلوں کے منظرنامے میں مثبت اثر ڈالنا چاہتے ہیں۔”
شائقین کے لئے خصوصی مواقع:
ان ڈرائیو شائقین کے لئے خصوصی مواقع بھی فراہم کر رہا ہے، جہاں خوش نصیب صارفین اسلام آباد یونائیٹڈ کے ٹریننگ گراؤنڈز کا دورہ کریں گے
اور اپنے پسندیدہ کھلاڑیوں سے ملاقات کریں گے۔
مزید برآں، ہر کامیاب ان ڈرائیو فیملی ممبر کو اسلام آباد یونائیٹڈ کے مشہور ماسکوٹ،
شیرو کے ہمراہ رائڈ فراہم کی جائے گی تاکہ یہ تجربہ مزید یادگار بن سکے۔
ترقیاتی اقدامات:
ان ڈرائیو کا کھیلوں کی ترقی کی کوششیں کرکٹ کے میدان تک محدود نہیں ہیں۔
رمضان کے مہینے میں، کمپنی نے "رائیڈ ٹو ڈونیٹ” کے نام سے ایک اقدام شروع کیا ہے جس کا مقصد
کراچی، لاہور اور اسلام آباد کے اسکولوں میں کھیلوں کے جدید میدان تعمیر کرنا ہے۔
اس اقدام کے تحت ان ڈرائیو مختلف اسکولوں میں کھیلوں کی سہولیات کی تعمیر کے لئے فنڈز فراہم کر رہا ہے۔
نوجوان کھلاڑیوں کے لئے رہنمائی:
اسلام آباد یونائیٹڈ کے مایہ ناز فاسٹ بالر رومان رئیس ان گراؤنڈز کا دورہ کریں گے اور
نوجوان کھلاڑیوں کو باوئلنگ کے حوالے سے مشورے فراہم کریں گے، جو ان کے لئے مددگار ثابت ہوں گے۔
پی ایس ایل 2025 کا نیا تجربہ:
پی ایس ایل 2025 کے لئے اسلام آباد یونائیٹڈ کے آفیشل اسپانسر کے طور پر، ان ڈرائیو ٹورنامنٹ کے
تجربے کو نئے حوصلوں کے ساتھ آگے بڑھائے گا، جس میں دلچسپ سرگرمیاں، خصوصی پروموشنز، اور کرکٹ ایکشن تک بے مثال رسائی شامل ہوگی۔
