پاکستان میں ہاکی کا مستقبل!
وزیراعظم کی ہدایت پر خصوصی کمیٹی کا قیام:
اسلام آباد میں وزیراعظم شہباز شریف نے پاکستان کی پرو ہاکی لیگ میں پاکستان ہاکی ٹیم کی شرکت کے حوالے سے اہم فیصلہ کیا ہے۔
انہوں نے رانا ثنا اللہ کی قیادت میں ایک خصوصی کمیٹی تشکیل دی ہے،
جو کمیٹی پاکستان ہاکی ٹیم کی لیگ میں شرکت کے حوالے سے سفارشات مرتب کرے گی۔
اس کمیٹی کا اجلاس گیارہ اگست کو طلب کیا گیا ہے۔ اس کمیٹی میں سیکریٹری آئی پی سی،
سیکریٹری خزانہ کے علاوہ ہاکی فیڈریشن اور پاکستان اسپورٹس بورڈ کے نمائندے بھی شامل ہوں گے۔
یاد رہے کہ نیوزی لینڈ کی جانب سے انکار کے بعد ایف آئی ایچ نے پاکستان کو پرو ہاکی لیگ میں شرکت
کی دعوت دی تھی۔ پی ایچ ایف نے اس کے لیے 35 کروڑ روپے کی گرانٹ کی درخواست کی ہے،
جس میں ٹیم کے سفر، رہائش، ڈیلی الاؤنسز اور دیگر اخراجات شامل ہیں۔
پاکستان ہاکی فیڈریشن کے جنرل سیکرٹری رانا مجاہد کا کہنا ہے کہ اس اہم ایونٹ کے انعقاد سے
ملک میں ہاکی کی ترقی ممکن ہوگی اور ہاکی کا ایک نئے دور کا آغاز ہوگا۔
انہوں نے مزید کہا کہ وزیر اعظم شہباز شریف کے ویژن کے مطابق،
ہاکی کو گراس روٹ سطح پر فروغ دیا جا رہا ہے تاکہ یہ کھیل مزید مقبول ہو۔
پہلا ون ڈے: ویسٹ انڈیز کو پاکستان کے ہاتھوں 5 وکٹوں سے شکست
