کراچی (اسٹاف رپورٹر) سندھ کی بیورو کریسی میں بڑے پیمانے پر ردوبدل ایڈمنسٹریٹر بلدیہ عظمی افتخار شالوانی کو فوری طور پر ان کے عہدے سے فارغ کر دیا۔افتخار شالوانی کے پاس کمشنر کراچی کا اضافی چارج بھی تھا.
ذرائع سندھ حکومت کے مطابق افتخار شلوانی کو دونوں عہدوں سے ہٹایا گیا ہے اور فوری طور پر سیکرٹری ایکسائز لئیق احمد کو نیا ایڈمنسٹریٹرکراچی مقرر کردیا گیا ہے جبکہ سیکرٹری ٹریننگ اینڈ ریسرچ نوید شیخ کو کمشنر کراچی تعینات کیا گیا ہے۔
سندھ حکومت کی جانب سے جاری کئے جانے والے نوٹی فیکیشن کے مطابق سندھ میں بڑے پیمانے پر تبادلے اور تعیناتیاں کی گئی ہیں، ایڈمنسٹریٹر بلدیہ عظمیٰ کراچی اور کمشنر کراچی افتخار شالوانی کو فوری طور عہدے سے ہٹا کرکو محکمہ سروسز رپورٹ کرنے کی ہدایت کی گئی ہے۔ نوٹیفکیشن کے مطابق سیکرٹری سروسز ڈاکٹر سیف الرحمن کو پرنسپل سیکرٹری گورنر سندھ مقرر کیا گیا ہے ان کی سعید منگریجو کو سیکرٹری سروسز مقرر کردیا گیا، تعیناتی کے منتظر افسر ریاض الدین کو سیکرٹری صنعت تعینات کردیا گیا، تعیناتی کے منتظر روشن علی شیخ کوسیکرٹری سوشل ویلفیئرلگادیا گیا۔
نسیم الغنی سہتو سیکرٹری جنرل ایڈمنسٹریشن اور تمیزالدین کھیڑوکوسیکرٹری ٹریننگ منجمنٹ اینڈریسرچ لگادیاگیا ہے۔نوٹیفکیشن کے مطابق سجاد حسین عباسی کو ممبر صوبائی الیکشن اتھارٹی مقررکیاگیاہے،اس کے علاوہ سیکرٹری فوڈ عبدالحلیم شیخ کوسیکرٹری ایکسائز کا اضافی چارج دیا گیا اور محمد نواز شیخ کو چیئرمین وزیراعلی انسپیکشن ٹیم مقرر کیاگیا ہے۔
