ناسا کا جدید AI ماڈل Surya!

سورج کی سرگرمیوں کی پیشگوئی میں انقلابی قدم:

ناسا نے حال ہی میں سورج کی سرگرمیوں کی نگرانی کے لیے ایک مستقل اور جدید AI ٹیکنالوجی کا آغاز کیا ہے۔

اس نئے AI ماڈل کا نام Surya رکھا گیا ہے، جو کہ سنسکرت زبان کے لفظ سے ماخوذ ہے اور اس کا مطلب "سورج” ہے۔

اس ماڈل کو ناسا اور IBM نے مل کر ایک جدید فاؤنڈیشن ماڈل کے طور پر تیار کیا ہے،

جس کا مقصد سورج سے متعلق خطرناک سرگرمیوں کی پیشگوئی کو بہتر بنانا ہے۔

Surya ماڈل کو خاص طور پر شمسی طوفانوں اور فلئیرز کی پیشگوئی میں بہتری لانے کے لیے تیار کیا گیا ہے۔

یہ ماڈل ناسا کے سولر ڈائنامک آربزرویٹری کے نو سال سے زائد عرصے کے مسلسل ریکارڈ شدہ ڈیٹا پر تربیت یافتہ ہے۔

اس کی مدد سے سورج کی سرگرمیاں حتمی مشاہدے سے دو گھنٹے قبل بصری انداز میں پیشگوئی کی جا سکتی ہے،

جو کہ روایتی طریقوں سے تقریباً 16 فیصد زیادہ درست ہے۔

سولر فلیئرز اور اسٹورمز زمین پر سیٹلائٹس، جی پی ایس، مواصلاتی نظام،

توانائی کے شعبے اور خلائی مشنز کے لیے خطرناک ثابت ہو سکتے ہیں۔

Surya کی مدد سے ان خطرات سے قبل ہی خبردار ہو کر ان سے بچاؤ ممکن ہوگا۔

یہ ایک طویل المدت منصوبہ ہے، کیونکہ یہ ماڈل مسلسل نئے ڈیٹا سے تربیت پاتا رہے گا،

جس سے یہ مستقبل میں بھی مزید مؤثر اور قابل اعتماد ثابت ہوگا۔

تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔