پاکستان اسٹاک مارکیٹ میں اہم تبدیلی!
T+1 سیٹلمنٹ نظام کا آغاز 9 فروری 2026 سے:
پاکستان اسٹاک ایکسچینج (پی ایس ایکس) نے اپنے نقد لین دین کے نظام کو جدید بنانے کے لیے اہم قدم
اٹھاتے ہوئے اعلان کیا ہے کہ فروری 2026 سے حصص کی خرید و فروخت کی ادائیگی کا دورانیہ
موجودہ دو دن (T+2) سے کم کرکے ایک دن (T+1) کر دیا جائے گا۔
اس نئے نظام کے تحت،
سرمایہ کار جلدی فیصلے کر سکیں گے، مارکیٹ میں نقدی کی دستیابی میں اضافہ ہوگا اور تجارتی سرگرمیوں میں تیزی آئے گی۔
اس سے پاکستان کی کیپٹل مارکیٹ کو عالمی سطح پر مزید قابل اعتماد اور جدید تصور کیا جائے گا۔
ایس ای سی پی کے چیئرمین عاکف سعید نے پیر کو ایک تقریب میں یہ اعلان کیا کہ 9 فروری 2026 سے
پی ایس ایکس پر T+1 سیٹلمنٹ کا باقاعدہ نفاذ شروع ہو جائے گا،
جس سے مارکیٹ کے معیار اور کارکردگی میں بہتری آئے گی۔
یہ تقریب نیشنل کلیئرنگ کمپنی آف پاکستان لمیٹڈ (این سی سی پی ایل) نے منعقد کی،
جو پی ایس ایکس میں حصص کی کلیئرنگ اور سیٹلمنٹ کا مرکزی ادارہ ہے۔
اس نظام میں سینٹرل ڈپازٹری کمپنی (سی ڈی سی) اور مقامی و غیر ملکی بینکوں سمیت دیگر شراکت دار بھی شامل ہیں۔
