کراچی: گورنر سندھ عمران اسماعیل نے کراچی شہر میں طویل اور غیر اعلانیہ لوڈ شیڈنگ کے معاملات پر اسی سی او کے الیکٹرک مونس علوی کو گورنر ہاﺅس میں طلب کیا۔
انہوں نے شہر کے مختلف علاقوں میں لوڈ شیڈنگ پر برہمی کا اظہار کیا۔ گورنر سندھ نے سی ای او کے الیکٹرک مونس علوی کو ہدایت جاری کیں
گورنر سندھ عمران اسماعیل نے کے الیکٹرک کے سربراہ مونس علوی کو ہدایت دی کے شہر میں جاری لوڈ شیڈنگ کے معاملات کو ذاتی طور پر دیکھیں اور شہریوں کی شکایات کا فوری طور پر ازالہ کریں۔
ملاقات کے دوران گورنر سندھ نے وفاقی وزیر برائے توانائی حماد اظہر سے بھی فون پر رابطہ کیا اور شہر میں جاری لوڈ شیڈنگ کے حوالے سے صورتحال کو بہتر بنانے اور کے الیکٹرک کے معاملات میں بہتری لانے پر زور دیا۔
وفاقی وزیر برائے توانائی حماد اظہر نے بھی سی ای او کے الیکٹرک مونس علوی کو موقع پر ہی شہر میں بجلی کی صورتحال کو بہتر بنانے کے لیے ہدایات جاری کیں۔
