امریکا یکم مارچ سے میکسیکو، کینیڈا پر نیا ٹیرف عائد کرنے کے لیے تیار

شیئر کریں

امریکی صدر ڈونلڈ ٹرمپ کی جانب سے کینیڈا اور میکسیکو کے خلاف نئے ٹیرف کے اعلان کی توقع ہے، جس کا اطلاق یکم مارچ سے ہوگا۔

غیر ملکی خبر رساں ادارے رائٹرز کی رپورٹ کے مطابق

ایک منصوبے کے بارے میں آگاہی رکھنے والے تین ذرائع نے بتایا ہے کہ

امریکی صدر، ڈونلڈ ٹرمپ، مخصوص درآمدی اشیاء کے لیے ممالک سے استثنیٰ حاصل کرنے کے عمل کو شامل کریں گے۔

جمعہ تک، ٹیرف کے سلسلے میں صورت حال غیر واضح رہی

اور اس حوالے سے کوئی حتمی فیصلہ ٹرمپ کے عوامی اعلان کے بعد ہی ممکن ہوگا۔

ذرائع نے نام ظاہر نہ کرنے کی شرط پر بتایا کہ انہیں حتمی ٹیرف شرح کے بارے میں معلومات نہیں ہیں،

لیکن یہ بات واضح ہے کہ ڈونلڈ ٹرمپ کا دونوں ممالک پر 25 فیصد ٹیرف عائد کرنے کا ارادہ ہے۔

انتظامیہ کے ایک عہدیدار کے مطابق، ٹرمپ آج ٹیرف کے منصوبوں کا جائزہ لے رہے ہیں

جس میں ممکنہ طور پر کچھ استثنیٰ کی اجازت دی جائے گی،

تاہم عہدیدار نے واضح کیا کہ یہ استثنیٰ بہت کم ہو سکتا ہے۔

ٹیرف کا اعلان مالیاتی منڈیوں میں منفی اثر ڈال سکتا ہے

اور یہ امریکی تعلقات کو 2 اہم تجارتی شراکت داروں کینیڈا اور میکسیکو کے ساتھ کشیدہ کر سکتا ہے۔

ٹرمپ انتظامیہ کی جانب سے 28 دن کی مہلت اور استثنیٰ کی پیشکش

اس بات کی علامت ہے کہ وہ زیادہ محتاط رویہ اختیار کر رہی ہے،

جس سے کینیڈا اور میکسیکو کے ساتھ مذاکرات کے لیے وقت ملے گا۔