کراچی: کراچی میں دو روز سے مسلسل بارش کے دوران شہر بھر میں بلاتعطل بجلی کی فراہمی پر صارفین کی جانب سے کے الیکٹرک (کے ای) کی زبردست تعریف کی گئی ہے۔ صارفین نے کے ای کی مسلسل خدمات پر اطمینان کا اظہار کرتے ہوئے اس کی تکنیکی ٹیم کے کردار کو سراہا ہے۔
چھ سات گھنٹےسے مسلسل بارش کے باوجود بجلی کی بلاتعطل فراہمی پر کے الیکٹرک کی انتظامیہ اورجملہ ٹیکنیکل ماہرین ، لائین مینوں کو خراج تحسین پیش کرتے ہیں@KElectricPk
— Khuram Bajwa (@Khurambajwa7) September 30, 2021
سوشل میڈیا پلیٹ فارمز پر صارفین نے کے الیکٹرک کے کردار کی تعریف کرتے ہوئے کہا کہ اگر پاور یوٹیلیٹی اسی طرح خدمات کی فراہمی جاری رکھے تو یقینی طور پر کے ای اور کراچی کے عوام کے مابین پائے جانے والے اعتماد کے فقدان کو ختم کرنے میں مدد ملے گی۔
زندگی میں پہلی بار @KElectricPk کیلئے تعریفی ٹوئٹ کررہاہوں کیونکہ آج کےالیکٹرک تعریف کے قابل ہے۔ مسلسل 6 سے 7 گھنٹے ہلکی اور کبھی کبھی تیز بارش کے باوجود بجلی بند نہیں ہوئی، گڈ ورک ٹیم کےالیکٹرک۔
نوٹ:- تعریف صرف آج کیلئے ہے۔ کل کی کل دیکھی جائےگی۔
— ASIF TANOLI 🌐🇵🇰 (@tanoli_aasif) September 30, 2021
ایک صارف نے پاور یوٹیلیٹی مینجمنٹ اور اس کی ٹیکنیکل ٹیم کے کردار کو سراہتے ہوئے کہا کہ بارش کے دوران صارفین کے سوالات اور شکایات کو نہ صرف سنا گیا بلکہ کے الیکٹرک کی ٹیمیں ان شکایت کو دور کرنے کے لیے مسلسل کوشاں بھی رہیں۔
کل پوری رات بارش ھوتی رھی لیکن بجلی کی بندش نہ گوئی
شکریہ کے -الیکٹرک
— Ishtiaq Mehboob (@ishtiaq_mehboob) October 1, 2021
پورے کراچی سے صارفین نے گزشتہ رات بارش کے دوران شہر کے کئی علاقوں میں بجلی کی بلا تعطل فراہمی پر کے الیکٹرک اسٹاف اور پوری ٹیم کو بھرپور خراج تحسین پیش کیا۔صارفین نے توقع ظاہر کی کہ پاور یوٹیلیٹی مستقبل میں بھی شہر کو بجلی کی مسلسل فراہمی کے لیے اسی طرح کا رویہ اختیار کرے گا۔
شہر میں مسلسل بارش کی لہر کے دوران بھی بجلی کی فراہمی معمول کے مطابق رہی اور اب بھی جاری ہے۔
صورتِحال کا مستقل جائزہ لیا جارہا ہے, عملہ ہائی الرٹ پر ہے۔
کسی بھی قسم کے ہنگامی صورتحال سے نمٹنے کے لیے شہری منیجمنٹ کے اداروں سے رابطے میں ہیں – pic.twitter.com/11x3oXh1J8
— KE (@KElectricPk) October 1, 2021
مزید برآں ، کے الیکٹرک اپنی ہیلپ لائن 118 اور دیگر تمام سوشل میڈیا پلیٹ فارمز کے ذریعے بارش کے دوران صارفین کی مدد کرنے کے لیے پُرعزم اور تیار ہے۔
