یوم پاکستان آج ملی جوش وجذبے کے ساتھ منایا جا رہا ہے

یوم پاکستان: ملی جوش و جزبے کا تہوار:

آج یوم پاکستان پورے ملک میں بھرپور جوش و جذبے کے ساتھ منایا جا رہا ہے۔

قوم اس دن کو بانی پاکستان قائداعظم محمد علی جناح کے ویژن کے مطابق ایک خوشحال اور

اسلامی ریاست کی تشکیل کے عزم کی تجدید کے ساتھ منا رہی ہے۔

دن کا آغاز:

ملک بھر میں یوم پاکستان کا آغاز فجر کی نماز کے بعد ملکی سلامتی اور خوشحالی کے لیے خصوصی دعاؤں سے ہوا۔

آنے والے دن کی خوشی کے موقع پر وفاقی دارالحکومت اسلام آباد میں 31 توپوں کی سلامی دی گئی،

جبکہ صوبائی دارالحکومتوں میں 21 توپوں کی سلامی دی گئی۔

گارڈز کی تبدیلی:

لاہور میں مزار اقبال پر گارڈز کی تبدیلی کی پروقار تقریب منعقد ہوئی، جس کے مہمان خصوصی ایئر وائس مارشل اختر عمران سدوزئی تھے۔

پاک فضائیہ کے چاک چوبند دستے نے رینجرز سے چارج لے کر گارڈز کے فرائض سنبھالے۔

اس موقع پر بہت سخت سیکیورٹی انتظامات کیے گئے۔

ملٹری پریڈ کا انعقاد:

ایوان صدر میں یوم پاکستان کے موقع پر ایک ملٹری پریڈ کا انعقاد کیا گیا۔

رمضان المبارک کی وجہ سے یہ تقریب محدود نوعیت کی تھی، جس کے مہمان خصوصی صدر مملکت آصف علی زرداری تھے،

جبکہ وزیراعظم شہباز شریف بھی تقریب میں موجود تھے۔ تقریب میں تینوں مسلح افواج کے دستوں نے بہترین کردار ادا کیا،

جب کہ پاک فضائیہ کے لڑاکا طیاروں نے شاندار فلائی پاسٹ کا مظاہرہ کیا۔

تاریخی پس منظر:

یہ ایک تاریخی دن ہے جب 85 سال قبل، 23 مارچ 1940 کو، لاہور کے منٹو پارک (گریٹر اقبال پارک) میں پاکستان کی قرارداد منظور کی گئی۔

قائداعظم محمد علی جناح کی قیادت میں اس وقت کی انڈین مسلم لیگ نے اس قرارداد کی منظوری دی تھی،

جس میں ایک آزاد وفاق کے قیام کا مطالبہ کیا گیا تھا۔

یہ قرارداد ساڑھے سات سال بعد، 14 اگست 1947 کو پاکستان کے قیام کی بنیاد بنی۔ ہر

سال 23 مارچ کو پوری قوم یوم پاکستان اسی قرارداد کی یاد میں مناتی ہے۔

تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔