ڈالر کے مقابلے میں روپے کی قدر میں معمولی بہتری

شیئر کریں

انٹربینک مارکیٹ میں روپے کی قدر میں بہتری:

جمعہ کے روز انٹربینک مارکیٹ میں ڈالر کے مقابلے پاکستانی روپیہ کی قدر میں معمولی بہتری دیکھنے کو ملی۔

مارکیٹ کے اختتام پر ڈالر کے مقابلہ میں روپیہ 6 پیسے یا 0.02 فیصد اضافہ کے ساتھ 280.16 روپے پر بند ہوا۔

یاد رہے کہ جمعرات کے روز روپیہ 280.22 روپے کی سطح پر بند ہوا تھا۔

بین الاقوامی سطح پر جمعہ کو امریکی ڈالر مستحکم رہا،

مگر آئندہ ہفتے اس کے سہ ماہی نقصانات کا سامنا متوقع ہے۔ امریکی معیشت کی سست روی کے خدشات،

خاص طور پر ٹیرف کے اثرات نے امریکی بانڈ ییلڈز، اسٹاک مارکیٹ اور ڈالر کی قیمت کو متاثر کیا ہے۔

یورو، جو کہ 1.08 ڈالر سے کم ہے، ایک سال سے زائد عرصے میں اپنی سب سے بڑی سہ ماہی بڑھوتری کی جانب گامزن ہے۔

2025 کے آغاز سے اب تک اس میں 4 فیصد سے زیادہ اضافہ ہوا ہے،

جس کی بنیادی وجوہات یوکرین میں امن کی امیدیں،
ڈالر کی کمزوری، اور جرمنی کے بینچ مارک ییلڈز میں نمایاں اضافہ ہیں۔