پاکستان اسٹاک مارکیٹ میں تاریخی بلندیاں، سرمایہ کاروں کا اعتماد بحال!
پاکستان اسٹاک ایکسچینج (پی ایس ایکس) میں بدھ کے روز زبردست خریداری کا رجحان دیکھا گیا،
جس سے مارکیٹ میں مثبت رجحان غالب رہا۔ معاشی اشاریے اور سرمایہ کاروں کے پُرامید جذبات نے مارکیٹ کو نئی بلندیوں پر پہنچایا،
جس کے نتیجے میں کے ایس ای 100 انڈیکس پہلی بار ایک لاکھ 52 ہزار پوائنٹس کی سطح کو عبور کر گیا۔
پورے دن مارکیٹ میں تیزی کا مظاہرہ رہا، اور ٹریڈنگ کے دوران انڈیکس ایک موقع پر 152,805.30 پوائنٹس تک جا پہنچا۔
کاروبار کے اختتام پر کے ایس ای 100 انڈیکس 1,226.39 پوائنٹس یعنی 0.81 فیصد اضافے
کے ساتھ، تاریخ میں پہلی بار 152,201.87 پوائنٹس پر بند ہوا۔
اس حوالے سے اسماعیل اقبال سیکیورٹیز کے ہیڈ آف ریسرچ سعد حنیف کا کہنا تھا کہ اس مثبت رجحان
کی بنیادی وجہ معیشت میں استحکام ہے، جسے پاکستان کے جاری آئی ایم ایف پروگرام نے تقویت دی
ہے اور اس سے سرمایہ کاروں کا اعتماد مزید بڑھا ہے۔
یاد رہے کہ منگل کو بھی اسٹاک ایکسچینج نے اپنی تاریخی ریلی جاری رکھی تھی،
اور انڈیکس 150,975.48 پوائنٹس پر بند ہوا تھا، جو 1,004 پوائنٹس یا 0.67 فیصد اضافہ تھا۔
اسٹیٹ بینک نے ایکسچینج کمپنی کا لائسنس منسوخ کر دیا
اگست: تجارتی خسارے میں 30 فیصد اضافہ، 2 ارب 87 کروڑ ڈالر ریکارڈ
چین کا اقتصادی ترقی کے شعبوں میں پاکستان سے تعاون جاری رکھنے کا اعلان
