نیشنل ڈیٹا بیس اینڈ رجسٹریشن اتھارٹی (نادرا) نے نئے سال کے آغاز پر 15 جنوری سے ملک کے سینٹرز پر پاک آئی ڈی موبائل ایپ اور چہرے کی شناخت کے ذریعے تصدیق کی نئی سہولت متعارف کروانے کا اعلان کیا ہے۔ اس نئی سہولت کے تحت شہریوں کو اپنی شناخت کی تصدیق میں سہولت فراہم کی جائے گی، جس سے نہ صرف وقت کی بچت ہوگی بلکہ اس عمل کی شفافیت بھی بڑھ جائے گی۔
نادرا کے ترجمان کے مطابق، نادرا ہیڈکوارٹرز میں بائیومیٹرک اور شناختی تصدیقی نظام کے حوالے سے ایک مشاورتی کانفرنس کا انعقاد کیا گیا، جس میں مختلف شعبوں کے ریگولیٹرز اور متعلقہ اداروں کے عہدیداروں نے شرکت کی۔ کانفرنس کے دوران شناخت کی تصدیق میں درپیش مشکلات اور ان کے حل کے لیے نادرا کی جانب سے کیے جانے والے اقدامات پر تبادلہ خیال کیا گیا۔
کانفرنس کے آغاز میں نادرا کے چیئرمین نے شناختی تصدیق کے نظام میں مختلف شعبوں کو درپیش چیلنجز اور ان کو حل کرنے کے تقاضوں پر تفصیلی بریفنگ دی۔ خاص طور پر، کانفرنس میں ان شہریوں کی مسئلہ کی طرف بھی توجہ دی گئی، جن کے انگلیوں کے نشانات مدھم ہو چکے ہیں، جیسے کہ پنشنرز اور بزرگ شہری۔ ان مسائل کے حل کے لیے عملی اقدامات کو زیر بحث لایا گیا۔
شرکاء نے نادرا کی جانب سے 15 جنوری سے موبائل ایپ اور چہرے کی شناخت کی نئی سہولت کے اعلان کا خوش آمدید کہا، جس سے شہریوں کی خدمات میں بہتری آئے گی۔ اس نئی سہولت کے ساتھ، نادرا نے اپنی خدمات کو جدید بنانے اور زیادہ مؤثر بنانے کا عزم ظاہر کیا ہے۔
