اسپیس ایکس کا اسٹارلنک انٹرنیٹ سروس تاریخ کی سب سے بڑی عالمی خلل کا شکار:
جمعرات کو اسپیس ایکس کی سیٹلائٹ بیسڈ انٹرنیٹ سروس، اسٹارلنک، اپنی تاریخ کے سب سے بڑے بین الاقوامی آؤٹج کا سامنا کیا،
جب ایک داخلی سافٹ ویئر کی خرابی کی وجہ سے لاکھوں صارفین کا کنکشن منقطع ہو گیا۔
یہ مسئلہ مقامی وقت کے مطابق سہ پہر 3 بجے (1900 جی ایم ٹی) شروع ہوا،
اور ابتدائی طور پر امریکہ اور یورپ کے صارفین نے سروس میں خلل کی شکایات درج کروائیں،
جن کی تعداد ایک موقع پر 61 ہزار تک جا پہنچی۔ اسٹارلنک، جو تقریباً 140 ممالک میں 6 ملین سے
زیادہ صارفین کو خدمات فراہم کرتا ہے، نے اپنے سوشل میڈیا اکاؤنٹ پر اس مسئلے کو
تسلیم کرتے ہوئے کہا کہ ’’ہم فعال طور پر حل کے لیے کام کر رہے ہیں۔‘‘تقریباً دو گھنٹے بعد سروس بحال ہوئی،
اور اسٹارلنک کے انجینئرنگ کے نائب صدر، مائیکل نیکولز، نے ٹویٹر پر بتایا کہ ’’یہ خلل بنیادی نیٹ ورک
آپریٹنگ سسٹمز کی اہم اندرونی سافٹ ویئر کی ناکامی کی وجہ سے پیش آیا۔‘‘
انہوں نے صارفین سے معذرت کی اور یقین دہانی کروائی کہ وجوہات کی مکمل تحقیقات جاری ہیں۔
اسپیس ایکس کے سی ای او، ایلون مسک، نے بھی اپنی ٹویٹ میں صارفین سے معذرت کی اور
وعدہ کیا کہ ’’ہم اس مسئلے کی بنیادی وجہ کا حل نکالیں گے تاکہ آئندہ ایسا دوبارہ نہ ہو۔‘‘
ماہرین کا کہنا ہے کہ اس طرح کا وسیع پیمانے پر آؤٹج اسپیس ایکس کے لیے غیر معمولی بات ہے۔
انٹرنیٹ تجزیہ کار، ڈوگ میڈوری، کا کہنا ہے کہ یہ غالباً اسٹارلنک کی تاریخ میں سب سے طویل
عالمی سروس معطل رہنے کا واقعہ ہے۔ اسپیس ایکس اپنی نیٹ ورک کی رفتار
اور بینڈوڈتھ کو بہتر بنانے کے لیے مسلسل اپ گریڈز کر رہا ہے، اور ٹی موبائل کے ساتھ شراکت داری
کے تحت بڑے اور زیادہ طاقتور سیٹلائٹس لانچ کرنے کا منصوبہ بھی ہے،
تاکہ دور دراز علاقوں میں براہ راست موبائل ٹیکسٹ میسجنگ سروس فراہم کی جا سکے۔
ماہرین کا خدشہ ہے کہ یہ مسئلہ ممکنہ طور پر کسی خراب سافٹ ویئر اپ ڈیٹ یا سائبر حملے کا نتیجہ ہو سکتا ہے،
جیسا کہ گزشتہ سال کراؤڈ سٹرائیک کی تازہ کاری سے ظاہر ہوا تھا، جس نے دنیا بھر کے نظاموں کو متاثر کیا تھا۔
