تمام بینک و مالیاتی ادارے یکم جنوری کو عوامی لین دین کیلئے بند رہیں گے
کراچی: اسٹیٹ بینک آف پاکستان نے نئے سال کے آغاز پر یکم جنوری کو بینکوں میں عام تعطیل کا اعلان کر دیا ہے۔
سٹیٹ بینک کی جانب سے جاری کردہ بیان کے مطابق، بدھ کے روز یکم جنوری 2025ء کو "بینک تعطیل” کے سلسلے میں تمام بینک اور ترقیاتی مالی ادارے عوام کے لیے بند رہیں گے۔ اس کے نتیجے میں، مائکروفنانس بینک بھی اس دن لین دین کی خدمات فراہم نہیں کریں گے۔
یہ بات بھی قابل ذکر ہے کہ بینکوں اور مالی اداروں کے تمام ملازمین اپنے معمول کے مطابق دفاتر میں موجود رہیں گے، تاکہ دیگر اہم امور کو انجام دیا جا سکے۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔
