پاکستانی فضائیہ کا جے ایف 17 تھنڈر اور سی 130 ایئر شو میں شرکت:
پاکستانی فضائیہ کے جنگی طیارے جے ایف 17 تھنڈر بلاک III اور سی 130 طیارہ دنیا کے سب سے
بڑے فوجی ایئر شو میں حصہ لینے کے لیے برطانیہ پہنچ گئے ہیں۔ آئی ایس پی آر کے مطابق،
یہ دستہ رائل انٹرنیشنل ایئر ٹیٹو 2025 میں شرکت کر رہا ہے، جو کہ عالمی سطح پر سب سے بڑے
ایئر شو کے طور پر جانے جاتا ہے، اور اس میں پاکستان کی شاندار نمائندگی کی جا رہی ہے۔
آئی ایس پی آر نے بتایا کہ جے ایف 17 تھنڈر بلاک III نے برطانیہ میں ایئر ٹو ایئر ری فیولنگ کا مظاہرہ کیا،
جس میں پی اے ایف کا آئی ایل 78 ٹینکر بھی شامل ہے، جو کہ بین الاقوامی فوجی آپریشنز میں اہم مقام رکھتا ہے۔
یہ جدید جنگی طیارہ اعلیٰ معیار کے جدید ریڈار سسٹمز اور لانگ رینج بی وی آر میزائلز سے مزین ہے۔
اس کے علاوہ، سی 130 طیارہ نے ایئر شو کے دوران "Eyes in the Skies” کے موضوع پر مبنی آرٹ ورک دکھایا،
جو کہ پاکستان کی فضائیہ کے امن اور سکیورٹی میں مثبت کردار کو خراج تحسین پیش کرتا ہے۔
پاک فضائیہ کی اس شرکت کو عالمی امن اور علاقائی استحکام کے لیے ایک اہم قدم قرار دیا جا رہا ہے،
خاص طور پر پاک بھارت کشیدگی کے پس منظر میں جے ایف 17 تھنڈر کی برطانیہ آمد کا شدت سے انتظار کیا جا رہا تھا۔
